كلمات اغاني كلمات اغاني جديدة المطربين الالبومات مهرجانات اغاني شعبي شيلات اغاني راب كلمات اغاني مسلسلات
كلمات اغاني

حرق

كولومبي



اغنية كولومبي حرق مكتوبة وكاملة

لامش فاضيلك لا مش لاهي بيك
نحرقلك كرتك كان نجبد ماضيك
مريض ربي يشفيك مانشوفش فيك

كلابي تلبس في اسطوري نلبس في فضة
سطري اغلي مالألماس معناها الكلب بحظه
في كتفي اجريوات تنتش السبع مايموتش بعضة
عايش Scarface وين ننوي الخصم نقضة

تقول في دوة عكس طبعك فك مارشة وين تزر
ماتحكش ع المرخي وأنت عندك لوية زر
عندك انفصام شخصية تقلب أنثي وقت الزر



دماغك ودر في حسبته تبي تحك اعبا
في شارع واتيلك لا لرخ ورب الكعبة
تاكل في كفوف لما تشبع توا ترزن
نعبي ذيلك منحس نكمل في حوضك مخزن

بدير الدسكة هبل تحسابني نوخر
كان ب ذراع عينك ميزانك كان ب9 ديمة مذخر
طبعة وحيدة كولومبي ماعندش نسخة
اما دفل واجد حكاكي منه نفس الفصخة

نازل ماسك كلمة old school
حسيتك قعدت ويزي بس بعقلية بتول
قالوا قاعد ديمة ينبح لكن هوط فترة غاب
قلتلهم في روحة يقوي دفل خاش في صالة كلاب

حرق من يالة سطور خام في السين


مانكش بروحك مصبي الباقي ع الساس
باري تنظيم قاعدة حتي البرئ قصاص

الشيخ الصايع اللي في كتفة وشم قارا
بملامح ميماتي باش نصفي خصمي في دارة
عندي كباني يستني مني في أشارة
كابوا العشيرة تجيبك في شنطة سيارة

أقرب كان تبي تجس تعرف اني الشر ناوي
نذبحهم بدم بارد أبو مصعب الزرقاوي
في الخميس نسكر سيك الاحد نمز بيك
خاطرك تقعد دجاجة باهي هيج طحت في ديك

من صوتك خايف واضح ترعش وانت تسجل
كيف ابلة قدام موجه تلفق في دوة تعجن
كلامك فاضي حبرك أخفيف في الوزن
نركبك بدون قوافي ركز في اللي جاي لسن

سطور بدون قوافي
غبي مش فاهم مفهوم النباهة مايجيكش بالغصب
أنت تافه أتفه مالتفاهة كيف حصة الرسم
تقرير الدكتور كولومبي في عينك مصاب بكسر
هكي شغلي أسمة دس وأنت قولي فيش تعصد

وعيت الحاج هكي مانشوفش قدامي
نحط السين في راسي حنردم واجد أسامي
ومتوصي بيك مش قدرك نطلع في بث
واللي يحبة كلة يبان مش لازم ترجاه يجض

لك ١١سنة تغني كل مرة زارق ب دس
حنخيلك ١١ سنة دور من بيناتنا يحز
صار قتلي كيف الزناد وانت هيكل في معمل طب
وين التراي وين الباي ياوسام اسبونج بوب

العقل مربي دين زح قاري السوس
كرعيك في كتوفك قبل طربيقت الموس
ماتكثرش دي امعايا كلمتين وقص
اعلي مافي خيلك أركبة غير رد بالك تكز

تفنص وانت راجل ب تلفيق
انخليلك وجك بندير انطفيلك اللي تاكل فيك
خليها توصل وخلي القواد يقود
العين تجي في العين تو ترخي روحك وتهوط

ما تلعبش معايا حسبة شارع وبيفات
ونكان نيتك في صفقي في 1200 تبات
ماتجربنش دماغي يطربق مكيانات
وانت تعرفني زين فهمد ماديرش دسكات

عبيلي منك بطاح أنسخ روحك 100
نهاية البيف شريط حمر مقابر جماعية
أنخلي يدين الرابرية تفوت الدس تكتب وصية
انخلي السين معبي خيم يجيني balti يعزي فيا

حتي ظالم مانوخرش مابالك الحق معاي
عارفك تبي مهرب مش حتلقي راي
دفل عدي اجري بسرعة دور من يفك عليك
ومش حتاكل كسرة حتي كان تجيب klay

في المساكن واجد عندك في الفترشة Tech N9ne
واجد متشلط نين تميت وسام الملطشة
شكلي جيت متأخر لقيت عظامك مطرطشة
وفوقها مانرحمكش جاك الي ديكم البلطجة

تجبد في العشيرة تبي الحاج يبحت فيك
بروحك جيت مطبس معناها حتاكلة سيك
الحق ينقال جمهورك واجد مازال
بس عندي اكثر منه في جهات الأتصال

اخر تعديل : June 18, 2022 12:05 am



هل انت من عشاق كولومبي ؟ اذن انشر هذه الاغنية واعكس روعة احساسك وذوقك

معلومات عن الاغنية

تصنيف الاغنية : أغاني ليبية
اسم الاغنية : حرق
اسم المطرب : كولومبي
كلمات : كولومبي
الحان : كولومبي

هل انت من عشاق كولومبي ؟ اذن انشر هذه الاغنية واعكس روعة احساسك وذوقك

هل انت من عشاق كولومبي ؟ اذن انشر هذه الاغنية واعكس روعة احساسك وذوقك

ما هو تقييمك للاغنية من منظورك الشخصي؟


Copyright © 2009 - 2022  Aghani Lyrics All Rights Reserved