يقدم لكم موقعنا أروع قصص مغربية بالدارجة قصيرة ، و قصص بالدارجة المغربية ، و قصص قصيرة بالدارجة المغربية جريئة ، و قصص مغربية بالدارجة مضحكة ، و قصص مغربية بالدارجة رومانسية ، و قصص مغربية بالدارجة قصيرة للاطفال ، تهدف القصص الى تقديم الكثير من التسلية والترفيه للشخص الذي يقرأ ، لذلك خصصنا هذه الفقرة من مقالنا لنقدم لكم أشهر قصص مغربية بالدارجة قصيرة ، تابعوا القراءة .
قصص مغربية بالدارجة قصيرة
يسعدنا أن نستهل مقالنا هذا بعرض قصص مغربية بالدارجة قصيرة ، ونتمنى أن تنال اعجابكم و للمزيد من القصص زروا قسم : قصص و حكايات ، قرائة ممتعة .
قصة مختصرة ” بعنوان:“كما تدين تدان ” سميتي ” عمر ” تزاديت فواحد العائلة ميسورة، بابا كان تاجر أعمال كبير، وعندوا قيمتوا ما بين الناس، من نهار تزاديت لي بغيتها كنلقاها حدايا، نهار درت 6 سنين دخلوني واليديا المدرسة، وبابا دخلني ف مدرسة عمومية حيت كان بغاني نندامج مع ولاد الشعب حيت خويا لي كبير قراوه ف مدرسة خصوصية وملي كبر مكانش يقدر يدير علاقات مع اي ناس، يعني ماشي اجتماعي، الشيء لي مبغاهش بابا يتكرر معايا.ملي دخلت المدرسة منكدبش عليكوم والله يغفر لي كنت حاسب على راسي بزاف، مهم التلاميذ لي كانو معايا الطبقات الإجتماعية ديالهوم كتختالف ما بين لي لباس عليهوم بحالي و لي متوسط، الا واحد معانا وكان سميتو ” منير ” كان مقطع لاخر درجة ، عمروا مالبس لباس ف بلاصتوا، كان ديما كيلبس ف واحد السروال مقطع من القدام سواء شتا ولا صيف، ربيع ولا خريف، و شي صباط د بلاستيك، وكنت كنضحك عليك بطريقة بااااسلة، وديما كنطيحلوا شي هدرة لي كتنقص من قيمتوا، اما هو كيشوف فيا و يبدا يبكي ويمشي فحالوا و نبداو ندحكوا عليه انا و صحابي. كان ديما جالس لول، وقراي بزاف، كنا كنلقبوه بالخواف حيت الحاجة لي قالها الأستاذ كينفذها. مهم انا عمرني عقلت سميتوا بسميتوا ، ديما كنت كنسميه: “الخواف، الخواف، الخواف “. واحد المرة سولتوا بالبسالة علاش انت خواف؟ شاف فيا ومشا مجاوبنيش.
مهم الابتدائي كامل و انا كنشوفوا مرة كنجيو فنفس القسم مرة لا، ولكن طريقتي ف التعامل معاه متبدلاتش.
و بمجرد مسالينا الابتدائي مبقيتش شفتوا سمعت بلي تسجل ف إعدادي ماشي لي تسجلنا فيها حنايا .
داز على هادشي 30سنة يعني على الصف الاول الابتدائي، وانا ف عمري اليوم 36، بابا هادي 15 سنة باش توفا الله يرحموا، كانت عندي 21 سنة، ونهار مشا سبحان الله رزقوا مشا معاه، بقينا غارقين ف الكريدي انا وخويا وماما، حتى وسائل النقل المختلفة لي كانت عدنا مبقاتش، اما بخصوص قرايتي انا عمرني قريت بحال الناس حيت ديما كنت كنقول بابا بابا ، وصلت الباك مادرت حتى مجهود واكيد منجحتش وقررت ننساحب ونوقف الدراسة وانا ف عمري 18 سنة. اوا اش نديروا جمعت شوية د الفلوس و بديت كنبيع ف الحوت، كل نهار كيفاش، مره هاكا مره هاكا. مهم قررت نجمع راسي نتزوج واخا الله غالب، مهم ندي شي بنت الناس تكون درويشة تجمعني و تساند الواليدة فمحاين د الزمان. تزوجت بواحد جارتنا ف 25 سنة ،و جبت معاها جوج وليدات ، ولدي لكبير سميتوا ” انور” ، ملي دخلتوا ل ابتدائي طبقات المقولة “كما تدين تدان” حيت صحابوا كانوا كيدحكو عليه حيت مكانش كيشري ” حلوى بزاف، ادوات بزاف….” مهم هادو شي دراري جوج خوت وجوج ولاد عمهوم من عائلة برجوازية، واخا كانوا صغار كانوا بحال جنون.
ملي كان ولدي كيجي كيبكي كنت كنتفكر “منير” كنت كنشوفو بين عينيا، وكنت كنلوم راسي حيت انا السبب فهادشي لي كيطرا لولدي، عاد فهمت احساس منير وعلاش كان كيبكي ، حيت انه تحس بالنقص و بالعجز حاجة صعييييييبة بزااااااف ، تمنيت الزمان يرجع لور نطلب منو سماحة ونرد ليه اعتبار..
واحد المرا جا ولدي انور كيبكي كالعادة هادشي خلاني نفكر نمشي نهدر مع الاستاذ، مشيت ف يوم الغد، الا انه تعطلت لقيتهوم خارجين والاستاذ مشا، ورالي ولدي هادوك لولاد، مشيت عندهوم هدرت معاهوم بطريقة مؤدبة ولكن فنفس الوقت كتحمل ” إنذار ” أنه ميبقاوش اعاودوا اقولوا ليه شي حاجة.
غدا ف الصبح كالعادة فقت ف صبح بكري نمشي نجيب الحوت لي نبيع، خرجت وهما يتلقاو لي واحد الجوج من عائلة هادوك لولاد، تاهموني بلي خلعت ولادهوم وشبعوووووني ضرب لدرجة داروا لي عاهة هي انه منقدرش عاد نتحرك على رجلي، يعني منقدرش نخدم، وخسني نرتاح لمدة سنة.
رفعت عليهوم دعوى ولكن كنت فكل مرة كنفكر نتراجع حيت انا كنتعامل مع ناس لاباااس عليهوم اكيد عندهوم معارف صحيحة، اما انا مول الحوت شنو نجيب من هاد المحاكم. كنت باغي نتراجع ولكن مراتي قالتي اقولو عليك جبان، خليك متمسك ف الدعوى ولي كتابت تكون.
وصل تاريخ الجلسة، مشيت انا وعائلتي، دخلت وتقابلت معاهوم، وانا كنحس بنقص كبير حيت كنت ضعيف بزاف حيت من غير الله ما عندي حد، والفلوس لي كيهدروا فهاد زمان. بعد ما طرح علينا القاضي مجموعة من الاسئلة، و بعد ما سمع ل الشهود وغير ذلك من الاجراءات، صدر الحكم ديالوا لي هو حبس المعتدين 3 اشهر وانهم اعوضوني بواحد المبلغ الحمد لله لي قررت نشري بيه دراجة نارية تعاوني ف خدمتي بدل ما نتمشى على رجلي، واكيد هادش ملي نتشافا.فرحت بزاف بالانصاف من طرف المحكمة، حيت الإحساس بالنقص مشا، عرفت بلي الحق هو الحق، وبلي واخا ماعنديش فلوس انا بنادم بحالي بحال الناس، فهمت بلي الفلوس عمرهوم ماكانوا معيار للانسانية والخير، ولكن للأسف تاخرت، جرحت قلوب بزاف د الناس خاصة منير لي بكيتوا بزااف.
خرجنا من المحكمة وعائلتي دايرين بيا، شفت عائلة هادوك الناس كيدابزوا مع المحامي، ومرضاوش حيت الحكم ضدهوم. انا بقيت كنستنى برا قلت نسول القاضي على جميع ما كيخص حقي فالتعويض، ملي خرج مشيت عندوا طرحت عليه بزاف د الاسئلة لي كتعلق بالتعويض وجاوبني و خديت منوا معلومات. وانا ملي كنت غادي نمشي عيتلي، قالي سي عمر!!! درت عندوا وجهي قالي بقا جواب واحد مازال ما قلتوا : هو انني خواف حيت كنخاف من الله وهادشي لي خلاني نحكم بالعدل اليوم ونصفك. النهاية .
قصص بالدارجة المغربية
نحتاج جميعًا إلى القليل من الخيال في حياتنا وإحدى الطرق للحصول عليه هي في صفحات القصص التي تستحق الاهتمام، وقمنا في هذه الفقرة بعرض قصص بالدارجة المغربية ، نتمنى أن تنال اعجابكم ، وهي :
قصة : الله يسمح لينا من الوالدين
بعد 21 سنة من زواجي، وجدت بريقاً جديداً من الحب. قبل فترة بدأت أخرج مع امرأة غير زوجتي، وكانت فكرة زوجتي حيث بادرتني بقولها: “أعلم جيداً كم تحبها”… المرأة التي أرادت زوجتي ان أخرج معها وأقضي وقتاً معها كانت أمي التي ترملت منذ 19 سنة، ولكن مشاغل العمل وحياتي اليومية 3 أطفال ومسؤوليات جعلتني لا أزورها إلا نادراً.في يوم اتصلت بها ودعوتها إلى العشاء سألتني: “هل أنت بخير ؟ ” لأنها غير معتادة على مكالمات متأخرة نوعاً ما وتقلق. فقلت لها:
“نعم أنا ممتاز ولكني أريد أن أقضي وقت معك يا أمي “. قالت: “نحن فقط ؟! ” فكرت قليلاً ثم قالت: “أحب ذلك كثيراً “.في يوم الخميس وبعد العمل ، مررت عليها وأخذتها، كنت مضطرب قليلاً، وعندما وصلت وجدتها هي أيضاً قلقة. كانت تنتظر عند الباب مرتدية ملابس جميلة ويبدو أنه آخر فستان قد اشتراه أبي قبل وفاته. ابتسمت أمي كملاك وقالت: ” قلت للجميع أنني سأخرج اليوم مع إبني، والجميع فرح، ولا يستطيعون انتظار الأخبار التي سأقصها عليهم بعد عودتي”
ذهبنا إلى مطعم غير عادي ولكنه جميل وهادئ تمسكت أمي بذراعي وكأنها السيدة الأولى، بعد
أن جلسنا بدأت أقرأ قائمة الطعام حيث أنها لا تستطيع قراءة إلا الأحرف الكبيرة. وبينما كنت أقرأ كانت تنظر إلي بابتسامة عريضة على شفتاها المجعدتان وقاطعتني قائلة:
“كنت أنا من أقرأ لك وأنت صغير”.
أجبتها: “حان الآن موعد تسديد شيء من ديني بهذا الشيء .. ارتاحي أنت”. يا أماه
تحدثنا كثيراً أثناء العشاء لم يكن هناك أي شيء غير عادي، ولكن قصص قديمة على قصص جديدة لدرجة أننا نسينا الوقت إلى ما بعد منتصف الليل وعندما وصلنا إلى باب بيتها قالت: “أوافق أن نخرج سوياً مرة أخرى، ولكن على حسابي”. فقبلت يدها وودعتها “.بعد أيام قليلة توفيت أمي بنوبة قلبية. حدث ذلك بسرعة كبيرة لم أستطع عمل أي شيء لها. وبعد عدة أيام وصلني عبر البريد ورقة من المطعم الذي تعشينا به أنا وهي مع ملاحظة مكتوب ة بخطها: “دفعت الفاتورة مقدماً كنت أعلم أنني لن أكون موجوده، المهم دفعت العشاء لشخصين لك ولزوجتك. لأنك لن تقدر ما معنى تلك الليلة بالنسبة لي أحبك”. يا ولدي…في هذه اللحظة فهمت وقدرت معنى كلمة “حب” أو “أحبك” وما معنى جعلنا الطرف الآخر يشعر بحبنا ومحبتنا هذه. لا شيء أهم من الوالدين وبخاصة الأم . إمنحهم الوقت الذي يستحقونه .. فهو حق الله وحق .
قصص قصيرة بالدارجة المغربية
قصص قصيرة بالدارجة المغربية من أكثر القصص بحثا على جوجل و لكل محبي هذا النوع من القصص خصصنا لكم هذه الفقرة من مقالنا لنعرض لكم قصص قصيرة بالدارجة المغربية ، تابعوا القراءة .
انا تزوجت على 16 عام زواج العائلة اي تقليدي المهم دزنا من المحكمة هي اللولة بحكم انني مزال مواصلاش السن القانوني وقبل العقد بيومين درت شهادة العذرية وكلشي كان بيخير درنا العرس وكلشي دازت 3شهور كتاشفت راسي حاملة هي هاديك مدوزين ايامنا عاديين وهو كان من الشروط ديالو منخرجش من الدار الا الى خرجني ومعمرو كان عندي مشكيل فهاد القضية حيت كنقول اش بيت ندير انا كاع بالخروج المهم نكون مرتاحة فداري وكان كيخرج للبحر وعمر العتبة فاتتني الى حين بقالي شهر للولادة بحكم انه المدينة لي كنت ساكنة فيها معني عائلة ولا والو جابني لدارنا وهو رجع المهم ولدت جا هو درنا السبوع ورجع انا بقيت حتى كملت الشهر عاد مشات معايا الوليدة كلسات غير شي يومين ورجعات مسكينة وهناااا فين غادي يبدا العذاااااب السيد لقيتو تبدل 180 درجة حتى حاجة مبقات عاجباه واول مرة جبد الصداع كنا هانين حتا فاق واحد النهار مبدل غير بوحدو قتلو مالك بدا يقولي انا راه النهار الأول غير صبرت عليك اما راه لقيتك مرا عرفتي بحالا صرفقني بالرغم من ان كلشي داز عاااااادي وعندي شهادة طبية ديالي لكن منين جاب هادشي الله اعلم صافي ولا ديما السبان والهدرة الخايبة حتى وصلات بيه حتى للضرب ومشكيلتي انه مكندافعش على راسي يقول لي قال مكنتجابهش معاه كلمة وحدة لي ففمي الله يخلصك اللهم انصرني على من ظلمني كيقولي انا راه كرهتك وشي كلام لا حول ولا قوة الا بالله عمري ما سمعتو عند والديا ودائما هو شاك لدرجة حتى داك الخروج لي كيخرجني هو مبقاش وليت مكنشوف الزنقة على 5 الشهور 6 ولكن مهامنيش ياريت كن كنت مرتاحة وعمري معاودت مشاكلي لشي واحد رغم صغر سني صبرت لهاد العذاب 3 سنين من غير داك العام قبل الولادة لي داز مزيان حتى جات واحد الوقت لي قلت صطوب صااافي عيييت من الظلم والحكرة خليتو حتى خرج للبحر وجمعت حوايجي انا وبنتي و خرجت شديت طاكسي داني للمحطة من الزهر لقيت واحد الكار خارج ديك الساعة لأكادير ركبت فيه وصلت للنص فالطريق عاد اتصلت بمي قلتلها الميمة انا جايا عندك قالتلي وفلان كاين معاك قلتلها لا قالتلي وكيطرا جايا بلا بيه قلتلها انا اميمتي جاية فخطرة بغيتيني تلقايلي فالمحطة مبغيتونيش راه الكار فين ما حطني نشوف ندبر راسي قالتلي ابنتي كيف البارح كيف اليوم داركوم هي داركوم وصلت لقيت مي وبا كيتسناوني بحالا لقيت المنقدين دياولي عاد جاتني هستيرية ديال البكا صافي جينا للدار عااااد بديت كنعاود ليهوم هوما وخوتي صااافي قالولي شنو هو آخر قرار عندك قلتلهوم الطلاق قالولي اصلا مكناش نخليوك ترجعي حيت فعلا داكشي كثيييير دازت 3 ايام عاد السيد جا من البحر صونا لبا قالو راها فدارهوم بقا منفخ حتا داز شي 20 يوم انا دفعت لطلاق الشقاق وصلاتو الدعوة عاد السيد تزير اما فالأول كان كيقول خليك تما الى بيتي تجي جي مابيتيش بلاش عاد جا للدار هو وخالو ومرتو حط ليه با كلشي داكشي لي قلت قاليهم كاع هادشي لي قالت بصح لكن انا ظلمتها وهي عمري شفت عيبها لكن انا راه مسحور رد كلشي ديك المعاملة انه مسحور ومكانش عارف راسو شنو كيدير وراه ندم وكدا طلب حتى عيا واااالو انا اصلا ماجيت حتى كرهتو صافي دازت واحد السيمانة صيفط مو وخالتو طلبو حتى عياو واااالو وهي اصلا مو كتشهد فيه قبل كاااع هاد المشاكل كتقولي راه باز لصبرك راه ولدي وكنعرفو راه صعيييب دوزت الجلسة اللولة محضرش فيها عود جا شي جوج مرات كيطلب وااالو مكيلقا حتا شي رد دوز 2 جلسات ديال الصلح محضرش فيهوم حتى للجلسة الأخيييرة طلب حتى عيا صااافي القلب ماااات من جهتو دوزنا الجلسة قالي القاضي واش باقا باغا الطلاق قلتلو اه سولو هو قالو انا ممطلقش غير خرجنا من المحكمة زاد كيبكي لكن فاااااااات الفوت على البكا والندم قالي لي نطلب منك هو تسمحيليا قلتلو لي بغيتو خديتو هو طلاقي وانا مسامحاك لكن شوف ربي واش مسامحك قالي واش عرفتي شنو مخليني فهاد الحالة قلتلو شنو قالي حيت عمري شفت عيبك صافي تفارقنا من تما التيليفون كان كيتاصل بلوكيتو ولا كيتاصل بمي كدوز ليه بنتو يهدر معاها اما انا ديك الساعة درت تكوين فالاعلاميات وتكوين فواحد المدرسة خاصة ديال مربية ودفعت باك حر لي الحمد لله خديتو ودفعت لافاك انا الآن عاد دوزت الامتحانا ديال الفصل الأول فالقانون وفنفس الوقت خدامة فواحد الروض معاونة راسي وبنتي بيه…
قصتي نتمناها تكون عبرة لشحال من وحدة ان اكبر غلط ممكن للإنسان يديرو هو زواج الصغر اول حاجة ضمني مستقبالك وقرايتك عاد فكري فالزواج والراجل ختاريه لخلقه ودينه.
قصص مغربية بالدارجة كاملة للقراءة
في الفقرات السابقة قدمنا لكم مجموعة من القصص المغربية الشقية ، وفي هذه الفقرة أيضا جمعنا سنعرض لكم قصة مغربية بالدارجة كاملة مع جميع الأجزاء للقراءة :
قصة الزواج المسحور
الجزء ١ :
انا بدر ومشكلتي اني منعزل عن الجنس الاخر من صغري ماكانش عندي فضول اني نتعرف على البنات ولا نتصاحب كانت حياتي عبارة عن عمل تطبيقي لتجسيد حلم الاب ديالي لي بغاني نطلع محامي لي كان كيصرف دم قلبو عليا واخا حنا متوسطين كان مهلي فيا والله يذكرو بالخير المهم قصتي بدات فالسنة ثانية جامعة كنت فالسيسطيم ديالي المعتاد من لافاك للدار نراجع شوية نمشي للكلوب ونرجع ندوش وننعس، هاكدا كانت حياتي ولي تمنيتها كون بقات هاكدا واخا الدراري صحابي كولشي مصاحب تقريبا انا معمرني فكرت فهاد الموضوع واخا كانو شي خيبوعات كيعطيو الإشارات وداكشي ههه المهم مابين هاد الخيبوعات كانت واحد البنت سميتها أمل وهاد أمل كانت كاتقرى معايا من السيزيام يعني 4سنين وكنت دايما كانتعجب كيفاش حتى باقا كاتقرا معايا وكانت دايما كاتبقا تشوف فيا وغير ساهية ولكن انا معمرني مافهمت راسي 4سنين وانا ولا كاين فهاد العالم كيفاش غادي نفهم وانا مقلوبة عليا القفة هه حتى قررات تعتارف ليا وبالفعل جات عندي مور واحد المحاضرة-أمل:السلام بدر لاباس -انا:لاباس الحمد لله ونتي -أمل:الحمد لله أجي كتبتي المحاضرة ديال ليوما -انا:بطبيعة الحال -امل:واخا تعطيها ليا نكتبها راه راسي كان كيضرني وماكتبتهاش -انا:واخا ولكن علاش تعدبي راسك ديري عليها بوليكوب وتهناي -امل:خاصني نقراها باش نكتبها ملخصة -انا:واخا ليبغيتي -أمل:يالاه نمشيو للكافيتيريا نكتب المحاضرة -انا:على بركة الله، مشينا للكافيتيريا وجلسنا -انا:هانتي أأمل ها هي المحاضرة -أمل:شوف أبدر أنا ماجبتكش هنا على قبل المحاضرة -أنا:كيفاش زعما -أمل:بدر أنا عارفاك واحد الولد لي حشومي وماعمرك عرفتي شي بنت فحياتك -انا:أنا ماشي حشومي أنا ماعنديش الوقت لهاد الخزعبلات -أمل:واش عمرك سولتي راسك علاش حنا الوحيدين لي بقينا كانقراو مع بعضنا من السيزيام -انا:ماعرفتش والصراحة تعجبت من هاد الصدفة أمل:ماتعجبش وهادي ماشي صدفة نتا كاتعجبني وأنا كنت كاندير انتقال كل عام باش نقرا معاك -انا:كيفاش كانعجبك لا سمحي ليا أختي أنا ماعنديش الوقت لهادشي بالمرة -أمل:بدر انا عارفاك متوتر دابا ولكن فهمني أنا جاو فيا الخطاب 4دلمرات وواليديا بداو كاتبزز عليا باش نقبل واحد السيد جا يخطبني -انا:الله يسهل عليك أختي ونتمنا ليك غير الخير ولكن انا ماشي دراسي -امل:فهمني انا قلبي متعلق بيك ومانقدرش نبعد عليك فهمني أبدر عافاك -انا:انا قلت ليك لي كاين اختي صافي ماتضغطيش عليا
الجزء الثاني :
أمل:لا مايمكنش تدير فيا هاكدا أبدر -انا:انا ماداير فيك والو أختي وكأنني ماسمعتش هاد الهضرة هادي والله يرحم الواليدين ماتتت…ماكملت الهضرة حتى جات فيا واحد التصرفيقة لي الصراحة بغيت نشدها نوري ليها التصرفيق ديال بصح كيداير ولكن شفت فعينيها واحد النظرات لي خلاوني نتسمر فبلاصتي والناس لي فالكافيتيريا كاملين كايخنززو فينا -أمل:شتي وماكنتي ليا والله لا كنتي لشي وحدة -انا:راكي زدتي فيه ماشي صبرنا ليك تصبنينا -أمل:والله حتى تجي لعندي تتمنى تتزوج بيا وديك الساعة تشوف(مشات بحالها)،وبقيت غير بوحدي فديك الكافيتيريا وكووولشي كايشوف فيا ههه انا ماعرفت كيف نفرغ الأعصاب لي كانو فيا فديك اللحظة وبقيت كانضحك (كانضحك على الناس لي كانو فالكافيتيريا حيت كانو فاهمين كولشي غلط انا ههه) وهاد الحدث كان أساسي فالقصة ديالي ومعمرني كنت كانفكر بلي دبصح غادي نرغب أمل باش تقبل عليا كيما قالتلي،المهم بلاش مانحرقو الفيلم كولشي بوقتو زين،ومن بعد هاداك الديكور أمل مابقاتش كاتبان فلافاك والصراحة بقا فيا الحال حيت كنت عارف بلي بسبابي هي قطعات الدراسة ديالها ولكن الله غالب آشندير،هي هاديك داز شي شهر هاكداك كنت ناعس حتى فقت مع 2دليل،فقت ووجهي فيه طبعات كوحل ويدي اليمنى محروقة من المرفق وكانت طبعة فالمارو فيديا بزوج والحلم كان مرعب وتخلعت ماديتهاش فحالتي ديك الساعة كنت كانفكر غير فداك الكابوس لي حلمت من خلالو أني كنت على علاقة بشي بنت وديك البنت ماشي طبيعية كانت سخونة بزاااف وأنا ماكنتش كانقيصها لخاطري بزز مني كانت الحركة ديالي لا إرادية كانحاول نتخلص من ديك القوة لي كانت كاتحكم فيا وبقيت كانقاوم حتى فقت وأنا باقي كانفكر فداك الحلم حتى سمعت صوت فودني ‘كيف جيتك’ انا الشعر دراسي وقف وبقيت غير كانغوت حتى جات فيا واحد التصرفيقة لي دوخاتني بالمعقول
الجزء الثالث:
فالبلاصة جاو عندي واليديا بزوج والواليد بقا كايقرا عليا فالقرآن والواليدة كذلك حتى رتاحيت وفالصباح فقت معطل شوية ولقيت واحد الفقيه فالدار جابو الواليد للدار يشول آش هادشي وقعليا ولكن داك الفقيه غير شافني بقا مكوانسي وملي عطيتو يدي السيد بحال إيلا ضربو حمار الليل كفض جلابتو وعلق هو يجري والواليد تابعو الحاصول وما فيه المعنويات ديالي نقصو بزااف وأول نهار غادي نغيب فشي محاضرة وموراها تعودت على الغياب حيت داك الحلم بقا كيتكرر مرارا حتى وليت كانحس براسي مراقب ولكن واحد الصوت حنيين فودني كان كيجيني فديك الايام وكيطلب مني منتخلعش ومانعرف لاش رتاحيت لداك الصوت يمكن حيت هو الحاجة الغريبة الوحيدة لي حسيتها معايا ماشي ضدي،ما علينا الواليد جاب واحد الفقيه كايقولو مجهد المهم شافني وشافلي يدي وقالي بلي انا مزوج من واحد الجنية أنا غير سمعت هاكاك وبغيت نحماق آااو أنا بنادمة وماقادش عليها عاد تجيبولي جنية وا الحكرة هادي،المهم الفقيه قالينا بلي هاديك الجنية ماشي مسلمة وزيد عليه هي بنت شي واحد مهم فالجن وعاد هاد النوع من السحر خاص الشخص المسحور يتزوج الشخص المذكور فالسحر وفالبلاصة عرفتها بلي هيا لي عملاتها آه أمل وشكون غيرها المهم انا قلبي ما هنانيش داك النهار وتسنيت الليل باش نفركع هاد الرمانة ونعست بكري المهم داكشي كان كيما توقعت نعست وحلمت نفس الحلمة وضرباتني الفيقة فنفس الوقت وبقيت كانستنا داك الصوت ‘كيف جيتك أبدر’ -انا:بغيت نهضر معاك باني ليا -‘ياك شفتيني فالحلم آش بغيتي كثر نتوما فضوليين’ -انا:واش نتي لي… -‘اه انا لي تزوجتي بيها وكنتي كاتعاشرها فهاد الفترة’ -انا:بانيلي باش نعرف نهضر معاك -‘مانقدرش دابا وعرفتك اش بغيتي تقول وهاد الزواج ماعمرو غادي يسالي حتى يموت واحد فينا’ -انا:انا ممزوج بحد وعارف كيفاش غادي نسالي هاد الزواج’ ديك الساعة جات فيا واحد التصرفيقة باقي لحد الآن كنسمع صوتها مرة مرة فودني كانت قوية بزاف وخلاتني نغيب (مالاعبينش آاو لي جا يصرفقني هه) المهم فقت فالصباح ومشيت عند واحد صاحبي كان كايقرا معايا ساكن فالحومة ديال أمل اسمو عادل -انا:السلام عادل لاباس -عادل:اهلاان خويا بدر ببخير الحمد لله الله يبارك فيك -انا:اجي واش بصح أمل كاتسكن هنايا -عادل:لا راه سيمانا باش رحلو ولكن خلات عندي واحد النمرة ووصاتني ملي تجي نعطيهاليك -انا:آراها اخويا الله يحفضك
الجزء الرابع :
المهم قيدت ديك النمرة ومشيت ديريكت لواحد الجردة جلست وصونيت على أمل -انا:الو السلام عليكم امل هادي -امل:آه وي شكون معايا -انا:معاك بدر بغيت نشوفك ضاروري -امل:هههه وعلاش بالسلامة -انا:حتى تجي ونهضرو انا كانتسناك فكافي المسيرة (قطعت الخط باش مانسمعش جوابها وتضطر تجي) وداكشي لي كان جات وكان الحوار ديالنا طويل -انا:عاى سلامتك -الله يسلمك -انا:علاش درتي فيا هادشي حشوما عليك -امل: ونتا ماحشوماش عليك لي صارحتك بالمشاعر ديالي وماديتيهاش فيا -انا:حتى دابا ماقلتي عيب أبنت الناس -امل:كيفاش ماقلت عيب -انا:انا مستعد نتزوج بيك دابا فوقاش نجي لداركوم -أمل:وشكون قاليك أنا قابلا هه -انا:كيفاش ماقابلاش واش عرفتي آش درتي فيا نتي خرجتي على حياتي ودابا كاتقولي ماباغاش (شديتها من يدها بجهد) ولكن مقدرتش نبقى شاد فيديها شفت فعينيها شي حاجة ماشي طبيعية واحد الوميض خلاني نتسمر فبلاصتي كانت واحد النظرات أقل ما يقال عنها أنها مرعبة كانت كاملا حقد وكراهية وبرودة كبيرة لدرجة خلاتني نتحاشا نشوف فيها مباشرة -أمل:ماتقدرش تتزوج بيا -انا:انا بغيت نتهنى من عذابي نتي بديتيه ونتي لي غادي تساليه -أمل:انا حذرتك راه عليا لعنة ونتا ماغاتتحملش العواقب ديالها -انا:اللعنة هي لي عندي أنا واش عرفتي شنو هي تتسناك كل ليلة جنية تعاشرها وبزز منك وملي تقيسها بحالا قستي العافية واش هادي ماشي لعنة وزيد عليها كاتجبرني نعاشرها فوضعيات شاذة وملي كانفيق كانلقا راسي كلي محروق راه مابقا ليا مانخبي عليك أنا بغيت نتهنى من هادشي ياك نتي كاتبغيني ساعديني ايلا كاتحسي بشي حاجة من جيهتي راه مابقيتش باقي غادي نستحمل (وقفت وعنقتها فالزنقة قدام الناس بغات تبعد مني ولكن مارخيتش منها لعل وعسى ترأف بيا وتبغي تساعدني)-امل:سير ضبر على الشهود -انا:(شديت التلفون واتصلت بالواليد طلبت منو يجي عند واحد العدول قريب هو الشهود معاه وهو فهمني فالبلاصة وحنا مشينا قدام الباب ديال الدار لي فيها العدول وبقينا كانتسناو) كنت فرحان كيفاس مانفرحش وانا غاندير الخطوة لي تخليني نتخلص من هاد العذاب بالمرة -امل:اتصل بباك قوليه يجي بزربة -انا:راه فالطريق نص ساعة ويجي ولكن نتي ماغاتقوليهاش لواليديك؟ -امل:ماسوقكش فيهوم وماعمرك تسولني على عائلتي فهمتي (واحد النظرة شافت فيا بيها مرعبة كانو عينيها حومر لدرجة أن ابيض العينين مابقاش) -انا:واخا ماغاتعاوديش تسمعي هاد الأسئلة مني (ماخبيت الخوف لي فقلبي غير بزز حسيت بيها ماشي طبيعية ولكن اللهم لعمش ولا لعما هي بلقليلة بنادم هه)
الجزء الخامس :
هي هاديك جا الواليد وجاب الشهود معاه ودخلنا عند العدول كان كولشي طببعي حتى بدا العدول كايقرا القرآن حسيت بأمل مزيرة بزاف وبغات تخرج بحالها وبقيت كانصبر فيها حتى تكاتبنا وسالينا وديتها معايا للدار ديريكت،كان كايحساب ليا صافي الساعة هنا عاد غاتبدا المشاكيل غير زطمات برجلها فالدار حسيتبالدار تزعزعات واحد الإحساس بحالا جا الزلزال شديت غير فالحيط باش ماطحتش -الواليدة:على سلامتك أولدي (بقات كاتعنقنا وتبوس فينا يمكن بغات تحسسنا بالراحة شوية) -امل:(ماداتهاش فالوالدة) يالاه نمشيو للبيت -انا:يالاه نمشيو، ولكن غير دخلنا للبيت سمعت شي غوتة فشكل موراها جلسات أمل فةسط البيت وسط واحد الرسم خماسي رسماتو وبقات كاتقول شي كلام مامفهومش بقات هكاك شي نص ساعة وطلعات فوق الفراش وحيدات حوايجها، انا فهمت بلي خاصني نقيصها وداكشي لي كان عاشرتها وهي مارفضاتنيش قلت يمكن هادا غايكون شرط باش نتهنى من ديك الجنية لي حتى سميتها ماعارفهاش ولكن الغريب أن أمل كانت حاسة بالنشوة معايا وطلبات مني ننفذ شي حركات نفسها كانت ديك الجنية (ملحوظة:الإسم ديالها مانقدرش نكتبو ولكن نقدر نعطيها اسم آخر ‘سينودرا’)كاتجبرني نعملهوم معاها ولكن هاد المرة عملتهم وماشي رغبة فيها ولا هي عاجباني لاا انا كنت باغي نتهنى من هادشي صافي سالينا وقلبت وجهي بقيت كانستغفر ربي على داكشي لي درت حتى صوتي تخنق أمل حطات يديها على عنقي حتى كانحس بصباعها غايتقبو عنقي ماعرفتش منين عندها هاد القوة كاملة -امل:غادي تسكت حسنليك (وطلقات مني) -انا:ووواخا احم احم،وبقيت كانفكر باش تبليت عوتاني هاد الموصيبة لاصقة حدايا كيغايجيني النعاس، وفعلا بقيت كانتقلب فبلاصتي وماجاني النعاس حتى شحفت ولكن غير غمضت عيني حلمت ولكن ماكانتش نفس الحلمة هاد المرة حلمت براسي مالابس والو وجالس فنفس الفراش لي كانحلم راسي كانعاشر فيه سينودرا ولكن هاد المرة ماكناش بوحديتنا كانت أمل معانا فنفس الغرفة وكانت مقابلا مع سينودرا وكايشوفو فبعضهم بتحدي وبقيت مصدوم وسطهم كانت امل كاتقول شي هضرة مامفهوماش ماعرفتش المعنى ديالها واخا نطق الحروف عربي ولكن الكلمات ماشي باللغة العربية أما سينودرا كانت كاتكبر وكاتتحول لشي أشكال لي مهما وصفت ماغاتقدروش تتصوروها فبالكوم ولكن فجأة سينودرا بحالا اختفت ماعرفت فين مشات وبقيت مكوانسي كانحاول نفهم آش واقع واخا العقل باش نفكر مابقاش ليا حتى شداتني أمل من يدي وطلعاتني فوق داك الفراش لي كنت انا وسينودرا كنن… المهم ماقدرتش نقيسها كنت مصدوم من سينودرا الشكل ديالها باقي فبالي بحالا عقلي كان مخدر شوية وأمل اتخدت وضعية القرفصاء وانا بلى أدنى شعور بالجسد ديالي كنت كانعاشرها كنت كانتعجب من الجسد ديالي كيفاش كايتحرك بوحدو ماكنتش كانتحكم فيه بالمرة
الجزء السادس:
عييت نقاوم وماقدرتش نتخلص من ديك القوة لي تملكاتني فديك اللحظة ولكن لساني كنت كانتحكم فيه كانعرف آش كانقول وفالبلاصة بديت كانقرا القرآن وشي 4دقايق من موراها ضرباتني الفيقة ونضت من بلاصتي وأنا كلي عرقان وأثر الحروق فيدي ووجهي فيه طبعات كوحل وغسلت وجهي ورجعت لبلاصتي ولكن لاحظت بلي أمل ماكايناش ماعرفتها فين مشات،بغيت ننعس ولكن ماجانيشر وكي يدير يجيني بعد لي شفتو،شفتها مامسلكاش نضت توضيت وصليت وشديت القرآن وبقيت كانقراه بالجهر حتى صبح الصباح صليت الفجر ورجعت تكيت فبلاصتي ولكن هاد المرة النعاس دغيا خطف عيني وأحلامي كانت عاديا.وغير فقت كنت عارف راسي لقيت الدوا دالحالة ديالي،فهمت بلي خصني نكون على طهارة وداكشي لي وليت نعمل دايما موضي والصلاة فوقتها والنوافل،الحاصول ومافيه حسيت بواحد الراحة نفسية يااااالله شحال زوينة تكون عاطي لربي حقو فالعبادة.ماننكرش انني فالأول ماكنتش كانعمل شي حاجة خايبة ولكن دايما كان بالي ماهانيش كنت كانتسنى الفرصة لي تجيني فين نبدى نتقرب من ربي هاكدا كانت طريقة التفكير ديالي ماكنتش كانفكر أن الصلاة تقدر تنظف القلب وتصفي الحقد لي تربى فقلبي،المهم بقيت هاكاك شي شهر حتى ولات حياتي عادية تقريبا مابقيتش كانحلم وأمل ماعرفتها فين زادت وحتى سينودرا ولكن مرة مرة كانحلم بواحد الظل كحل كايبقى يهددني،ولي قدرت نعرفو أنه من عائلة سينودرا لي وقعات ليها شي حاجة خايبة شي لي خلاه يتوعدني أنه ينتاقم مني،صحيح حسيت بنوع من الرهبة والهيبة منو ولكن ماخفتش حيت كنت حاس أن ربي بجنبي الشيء لي عطاني قوة نفسية وتوازن كبير مكني أني نسيطر على المشاعر ديالي، ودازت سيمانا آخرا وليت كانخرج وندخل عادي مع المحافظة على الصلاة في وقتها وكانو يالاه بداو الامتحانات، وليت داير سيسطيم آخر كانحفظ بليل وانا مخدم القرآن فالتلفزة حتى قدرت ندوز الإمتحانات كاملين على خير ولكن شي لي ماضربتلوش البال انا هو أمل كنت قضيت شي سخرة وجاي للدار حتى صونا تيليفوني -انا:الو السلام عليكم -الو السيد بدر رحال -انا:هو هادا شكون معايا -شوف اسيدي ماتخلعش راه لقينا مراتك فواحد الحالة صعيبة وهي دابا فمستشفى…-انا:قطعت وشيرت لطاكسي فلبلاصة داني لعين المكان ودخلت لقيت واحد الطبيب كايتسناني باش نسيني على ورقة تحمل مصاريف العملية ديال أمل،الورقة لي سنيت بلا ما فكرت فيها ولكن عرفت من بعد أن العملية غاتكلف 5دلميون،خوكوم زاااوي باقي كايقرا ولكن الواليد ماخصرليش الله يسمح لينا من الواليدين كان مخبي شي بركة وتسلف وقدر يكمل المبلغ ودارو ليها عملية على مستوي الرحم ديالها نجحات ليها وبقات يوماين فالسبيطار عاد خرجناها فالأول مابغاتش تمشي معانا ولكن استسلمات للأمر الواقع والصراحة انا ماعرفتش آش وصلها لهاديك الحالة ولكن الحمد لله لي ناضت بالسلامة .
الجزء الأخير:
ديناها للدار ولاحظت أنها كانت خايفة من المجية لدارنا ولكن بقينا كانطمنو فيها انا والواليد والواليدا حتى مشات معانا،كيفاش أمل لي كانت النظرات ديالها ماشي طبيعية وانا شخصيا كنت كانخاف منها ولات هاكدا دايرا كي شي قطيطة ودودة بالعكس تخاف من الشرجم إلى دفعو الريح هادشي كامل ضربتو عرض الحائط ملي قريت عليها شويا دالقرآن ماكانتش كاتتهرب من أنها تسمعو بالعكس كانت كاترتاح لبه وهادشي خلاني نفرح،المهم رجعنا للدار ودازو الأيام الأولى عاديين كانت أمل تشافات فيهم ولأول مرة غانسمع فيهم صوت أمل لي كنعرف أمل لي كانت كاتقرا معايا ونراجعو للإمتحانات مع بعضنا،طلبت منها أنها تبدى تصلي ومالقيتش مشكيل بالعكس هي كانت مستعدة ومتعطشة أنها تصلي وتقرا القرآن وفي ظرف أسبوع هي ولات كتفيقني نصليو الفجر جماعة فالدار الواليد وانا موراه شويا والواليدا مورايا وأمل حداها ونصليو كلنا حسيت بيها تبدلات كليا حتى حقي فيها مابغاتش تمنعني منو والصراحة أول مرة كانبغي نقيسها ومن قلبي وكانخدم كل أحاسيسي معاها،علاش لي مانتمتعش بمرتي وحنا مجموعين تحت رحمة الله، والصراحة مانسيتش داكشي لي داز عليا ولكن ربي كبير وداكشي لي خلاني نصلي جوج ركعات وكلت من خلالهم أمري لله وبالفعل تمكنت انني نعطيها حقها، لا لا عفوا أنا لي خديت حقي هاد المرة هه ودازت الأيام وكل نهار أمل كاتزيد نور على نور والصراحة ماكنتش متيق الهناء لي كنت عايش فيه ولكن كنت كانحرص يوميا على أنني نحمد ربي كثر وكثر وربي كايزيدني فرحة على فرحة الحمد لله وهاد الفرحة تجلات ماديا فواحد القمر عطاه لينا الله وسميناها هدى،وبطبيعة الحال كاتشبه لماماها المهم هي كاتقول كاتشبه ليا وأنا كانقول كاتشبه ليها وماعرفناها لمن كاتشبه ههه ماشي مهم لمن كاتشبه أصلا حنا بجوج زوينين هه شكار راسو ومراتو عاد داز من هنا هه.هدي هي حكايتي ونتمنا تكونو خديتو عبرة منها وأهم عبرة هي الصلااااة، عمود الدين بيها الواحد كايتعتابر مسلم،و كايحافظ بيها الشخص على الرابط لي بينو وبين الله سبحانه ،تيقو بيا راه ماكايكفيش تكون مزيان مع الناس ومع راسك خاصك تتوج الأخلاق ديالك بتاج الصلاة.باش حتى إلى تلاقيتي بشي واحد فالطريق وسقساك واش انت مسلم غاتجاوب وبكل افتخار ‘نعم انا مسلم’ ، نهاية .
قصص مغربية بالدارجة رومانسية
القصص الرومانسية تكثر قراءتها على مستوى العالم لأنها تتميز بطابع راقي تساعد علي جذب الكثير من القراء ، وفيما يلي نورد لكم في هذه الفقرة من على موقعنا اقرأ قصص مغربية بالدارجة رومانسية ، تعرفوا عليها الآن :
قصة بالدارجة دموع من الماضي
- قصتي بدأت نهار الأربعاء 15 يوليو 2010 الساعة 1:50 هووووه ماشي قصتي حياتي بدأت في داك الوقت ، كنت غادي المدرسة نشوف النتائج ديال الباك معرفتش حتى عنقني شي واحد أه عنقني شي واحد شكون من غيرها (سارة بنت عمي كنقرا أنا معاها فنفس الكلاس وخا فايت سقطت عام في الباك عليها تقادوا الكتاف بغيت نقول عليها وصلات عليا هاد العام أجمل بنت شفت عيني أنا كنبغي نشد فيها وخا هي بيضة حليب كنبقى نقول ليها ملكة جمال الغابون ههههه هي لي عند عمي كيف ما أنا لعند الوليد حاجة وحدة وحدة لي .
- مزال محيراني عمي كيبغيني كتر منها كيف ما الوليد كتر مني أنا كنعس فرحان في الدار عند عمي ملي كتنوض تسخر عليا كنموت عليها بضحك ههه مبادلين في كولشي حتى العقل لمعنديش أنا خداتوا هي أنا عايش فدار عمي مكنشوف الوليد غير على ود الفلوس بغيت نقول نسرق ليه ههههه الوليد واحد زقرام منو مكان وخا عندوا هو عمي لي تشد فيه العافية شهر ما تكلموا ) قالت لي مبروك أو ضحكت ضحكة ملائكية سولتني باش كتحس دبا زعمة كتبارك ليا على نجاح ديالي الساعة أنا مشا الباك شكون لي بقا مفكرو ههه قلت ليها كنحس بقلبي كيدق أسارة . هي عاد مازادت في الضحك ديالها لا مالو مكانش كيدق شحال هذي . أنا بسذاجتي هه منعرف معمري سمعتو كيدق مكونتش كنكذب حيت اه بصح وخا معرفتش شكون عنقني حسيت قلبي فرح ههههه مفيقتني غير الواقعة من عالم الأحلام واحد تصرفيقة منتمنهاش لعدويا . جمع رأسك من الهدرة الخاوية مبروك را نجحنا . اممممممم اه اه الباك شنو نجحنا اححح بتكبر قلت كنت عارف راسي غادي نجح هههههه .
- كان نهار رائع جدا داز غير فرح ، كنا مقبلين على خطوة جديدة لفاك أو مستقبل مظلم على الأقل بنسبة ليا أنا ، دورنا لعطلة أنا سارة في الفيرما في العروبية عند جدي وسط الأغنام و أشجار الأفوكا نهار كامل أو أنا شاد في سارة( فرح ضحك تقلاق مصالحة هدنة معاهدة ) أيام زوينة كانت عزيزة عليا واحد نعجة باقي عاقل ربيتها صغيرة ماتت مها ملي ولداتها سميتها هبة اه هبة من عند الله عاشت بصعوبة ، نهار كامل جدي أحمد يدير لينا الخاطر أنا و سارة نركبو على العود نحلبو البقرة حيت حنا حفادو لي عندوا في هاد الدنيا ماتت جدة صغيرة هو ربانا بيديه ، حرشتوا على الوليد دور ليه في التليفون صبنو مزيان ، دوزنا عطلة فحال إلى مشينا المملكة الفاضلة ، كملات العطلة ودعنا جدي بلبكا ، قررنا أنا وسارة من قبل نديروا العلوم الفيزيائية ، ملي رجعنا لقينا المفاجئة كانت الصدمة كبر مني و من سارة ، وصلت عيان نعست جا عندنا عمي بدأ يهدر معا الوليد على الخطبة ديالي من سارة ، كان عمي الوليد متافقين من صغرنا غير حنا لي كنا ناعسين حدرة ، على الأقل غير أنا مكلخ ، سارة كانت عارفة حيت اختالفات معايا على أول ولد عندي شنو غادي نسميه ، أنا قلت بغيتو يكون ولد أو هي بغات بنت هدرات بواحد الطريقة بحال إلى هي لي غتكون ماماهم .
- كلشي فرح خصوصي ماما بكات تعيات ، أخيرا غادة تهنى عليا مع البنت لي غادي دير بالها عليا ، تافقنا نديرو العرس مور لفاك لي نجحنا فيه بزوج ، درنا عرس من ألف ليلة وليلة عمي عجبو الحال ملي شافني فرحان ،
- عندي جوج وليدات دابا من وئام
- أنا : ساجد سارة نمشيو فحالنا باركة عليكم من لعب أبابا ، ( الولد سميتو ساجد كيف محلمت سارة ، أو البنت كنت غادي نسميها سلمى مي مبغيتش نكون أناني خليت وئام تسميها حيت هذا حقها شرعي وئام طلعت كتبغيني بزاف أو سماتها سارة ، مبقيتش خايف ننسى سارة حيت دبا هاهيا شادة في يدي غادة تمشي معايا لعمر كلو ،في النهاية قتنعت بلي الأحلام ماتتموتش غير كتأجل ، كل واحد غادي يلقى فرحتو في أبسط الأشياء : النهاية
قصص مغربية بالدارجة قصيرة للاطفال
يسعدنا أن نختم مقالنا هذا بعرض مجموعة من القصص المغربية بالدارجة قصيرة و الشقية و التي سوف تنال اعجابكم أطفالكم بلا شك ، تابعوا معنا :
