كلمات لطمية ان شاء الله باسم الكربلائي
اخر تحديث : منذ 7 أيام
كلمات لطمية ان شاء الله باسم الكربلائي
محتويات كلمات لطمية ان شاء الله باسم الكربلائي
حنيت من وحشة مساهم
وابلا وعي اركض وراهم
ما اشوف لو اظلم سماهم
خاف تعمه عيوني بجفاهم
ان شاء الله
ماتعمه عيني حتى أشوف إعيونكم
ان شاء الله
وبكل مسه نگعد و اگول إشلونكم
ان شاء الله
انا ام الاربعة الدمعي يهل
دوم اگول ان شاء الله كلشي سهل
من بعد هالفرگه يلتم الشمل
والمهم أوليدي يرجعلي عدل
يوميه للملگه أستعد
ونثر عله السچه ورد
باجر ضوه عيوني يرد
ما عودوني اعله البعد
أحوالكم
نفس الملامح لو تغير لونكم
أحوالكم
فدوتكم آني أو لا عشت من دونكم
إن شاء الله
گلي من يمته يبو وجه السمح
تجفي لا انت ولا طيفك يصح
انت زين ان شاء الله وما منجرح
هسه ميخالف جرح بس مو ذبح
لا مو برد جفي رجف
من الهجر جسمي ضعف
من وگفتي جدمي نزف
ما رد خبركم يا وسف
أخباركم
ضاعت عليه أو خايفه يغدرونكم
أخباركم
خير أو مسره أو بلكت إيوافونكم
إن شاء الله
بالسلامه ان شاء الله أو ماكو ألم
سالم إحسين أو سلامتها الخيم
مايطيح ان شاء الله الجف والعلم
وبسلامه الجود من طاري السهم
ابجي او يسولفلي الگلب
ويكلي عينج عالدرب
يم الگمر ما ظل صعب
باجر يجون امن الغرب
وبجاهكم
مو عالرماح الوادم إيشوفونكم
وبجاهكم
فوك الأصايل حته يتلگونكم
إن شاء الله
ادعي سلمهم يلاهي من الخطر
لا سهم يوصل ولا رمية حجر
ما ردت عالمشرعه كسرة ظهر
والاخو بعد الاخو يكتله القهر
لا اب يفارگله ابن
لا والده اتشيب حزن
لا أسمع بثكله تون
يولاه يدهري الما يحن
شيجيبكم
ها المشيتوا وما ترف اجفونكم
شيجيبكم
يبعدهم الله الرادوا يبعدونكم
ان شاء الله
من يعود أوليدي وفرح بالخبر
حتى أگولن الله لا رد السهر
بيه بوسة خنصر أو بوسة نحر
أو بيه طيحة ضامي يم جاري النهر
خلي يرد لو بس نفس
ماساحك إبعظمه فرس
وبصدره ما واحد رفس
ولسانه مو خشبه أو يبس
وادعيلكم
يا احبابي خوما رادوا يعطشونكم
وادعيلكم
ماكو ظليمه ولا صهل ميمونكم
إن شاء الله
بالطريق ان شاء الله زينب لفت
مو على الهزله بحمياتكم اجت
للسبي اسم الله عليها ما مشت
لا حبل بجفوفها ولا شيبت
ما طلعت ابين الزلم
لا سمعت اصياح وشتم
والعدها كافل تنحشم
مرتاحه ترجعلي المهم
وبجالكم
ترجع اميره وجفها فوك امتونكم
وبجالكم
محد يشوف اخيالها ام عونكم
ان شاء الله
لا تبخل علينا بالنشر في مواقع التواصل الاجتماعي طبعا بعد ان ينال اعجابك