كلمات لطمية اول العشرة محمد بوجبارة
اخر تحديث : 23-07-2023
كلمات لطمية اول العشرة محمد بوجبارة
محتويات كلمات لطمية اول العشرة محمد بوجبارة
غير القميص المنخضب بالدمه
هالليله شنهو الينشر بالسمه
اشتنشر الزهره ابأول العشره
بداية محرم
تخيم عالبشر حالة كابه
او نواعي الزجيه
تجي يم بيت عيني او تدك بابه
تفزز دموعي
تگول ابني بدت عشرة مصابه
تنشر الزهره قميصه بين آفاق السمه
و القميص امخركينه او كل كتر يكطر دمه
يالله يا عيني استعدي هذا شهر امحرمه
او بعد مدري ابهالليالي شراح تنشر فاطمه
الزهره ابحزنها اشتنشر اعله المله
و اشچم قميص العدها من كربله
اتجدد الذكره ابأول العشره
هالليله شنهو الينشر بالسمه
أهيم ابخيالي
و أنا ابعين البصيره انظر حزنها
كأنها الوديعه
انشرت ثوب اخر او متعالي ونها
قميص الكفاله
مهو العباس هم حسبة إبنها
مثل ما يوم القيامه تنشر اجفوف الكمر
الليله هم تنشر قميصه الناكع ابماي النهر
بس قميص ابلا ردن من صوب ذرعانه كصر
و اعله صوب الكلب لي هسه السهم تارك أثر
العامود خضب ثوبه من ضربته
و ابصدره لي هسه أثر جربته
او فاطمه اتنظره ابأول العشره
هالليله شنهو الينشر بالسمه
عگب هالرزايه
بعد شنهو الذي عدها او تنشره
اويه رجفة إديها
تطلع ثوب بس حيرني زغره
أثاري اعله جفها
اكماط لطفل ست اشهور عمره
منهو يكدر ينظر لهالمشهد ابعين الكلب
اكماط من صوب النحر متصوب او دمه يصب
اتنادي يا هالناس طفلي شنو ذنبه او ينطلب
اتجدد اعله أم الحسن طيحة المحسن عالترب
ها يالمحب حظر ادموعك نهر
و الزهره عدها فاتحه ابهالشهر
أول العبره ابأول العشره
هالليله شنهو الينشر بالسمه
لا تبخل علينا بالنشر في مواقع التواصل الاجتماعي طبعا بعد ان ينال اعجابك