كلمات لطمية تروي لينا اسماء حيدر البياتي
اخر تحديث : منذ 1 شهر
كلمات لطمية تروي لينا اسماء حيدر البياتي
محتويات كلمات لطمية تروي لينا اسماء حيدر البياتي
تروي لنا أسماء
مصيبة الزهراء
والروايه امن البدايه
للنهاين أنين
شفت الحسن جاهه يتوادع اوياهه
بس ميته لاكاهه وينوح
روح الإبن أمه لاتكدر اتشمه
لاتكدر بكلمه تبوح
وثاني عزيز الهه يبجي ويقبلهه
وحجايته كلهه جروح
يمه الحسين آني المدلل الثاني
عفتيني لحزاني أروح
اتحرك جسدهه وطاحو اعليهه
وحضنت حسن وحسين بيديهه
اوداع اليتامه الأم يأذيهه
وإن للحوراء .. وراثة الأرزاء
والرزايه امن البدايه
للنهاين أنين
حيدر كعد يمهه للزهره كلمهه
صاح الله يرحمهه مصاب
الجانت تواسيني وتمسح دمع عيني
شو ما تحاجيني عتاب..؟
هاي احلى ايامي عافتني بالامي
جنازتهه كدامي عذاب
حرموني من عدهه أم بيتي شيردهه
والدمعه البخدهه جواب
هذا علي بكل الشدد حاضر
يم فاطمه ظهره انحنه وحاير
مدري اشيكلهه ومنكسر خاطر
في قلبه عزاء .. في عينه بكاء
الحسره هايه امن البدايه
للنهاين أنين
لمن حملناهه للحجره اخذناهه
لجروحي ناداهه حزين
ويايه غسليهه روح ايدي مابيهه
بس لاتلجميهه بحنين
هسه الضلع شفته مهشم تلمسته
جانت تون سكته يقين
واويلي عالزهره عصروهه جم مره
خلت علي ابكبره يلين
عافتني وحدي ووين متوجهه
آني ابمصيبه وياهو يفرجهه
صاح ووكع حيدر على وجهه
ناح له الكساء .. حزنا على البلاء
والمنايه امن البدايه
للنهاين أنين
حيدر حنه ظهره وتذكر العشره
بجنازة الزهره غريب
بين اليوديهه وبين اليخليهه
حاير علي بيهه عجيب
أم راحته وروحه كدامه مطروحه
وميطيب اجروحه طبيب
بعيونه حنيه إلزهره ماهيه
ومابي بعد جيه الحبيب
كاللهه كوميلي انكسر ظهري
يمشاركتني بالهوه اليسري
ضايع واروحن وين ما أدري
نوحي لكي سماء .. تفتقد الضياء
ومشتكايه امن البدايه
للنهاين أنين
ناده أعينوني الشايلهه بعيوني
وياهه شيعوني أريد
ما أكدر احملهه وماكو علي ايحلهه
درب العشت إلهه بعيد
أتلفت وحاير أرد امشي ماكادر
أكسر كلب صاير وحيد
واليدفن ام بيته خل ينسه عافيته
حتى الهوه بريته اشيفيد
يامن يحرك جدمي وايشيله
درب الكبر ما أكدر امشيله
إلزهره ميته ورايحه الليله
أنى لكي الرثاء فالقلب لا يشاء
ياهوايه امن البدايه
للنهاين أنين
للزهره نزلهه آني علي كلهه
وبحركه يسألهه وسكوت
للبيت ارد وحدي بس دمعتي ابخدي
جم فاطمه عندي وتموت
محرابج ببالي من نبرتج خالي
يا نسمه تحلالي وتفوت
لوما ترجعيلي بترابج ادعيلي
بلكت يرد حيلي القنوت
شمعة علي دافنهه بيديه
يا أول وآخر حزن بيه
وينه اليكول الدنيه مكضيه
ما لي ؟ و البقاء .. صحرا بدون ماء
اشظل ورايه امن البدايه
للنهاين أنين
لا تبخل علينا بالنشر في مواقع التواصل الاجتماعي طبعا بعد ان ينال اعجابك