كلمات لطمية زينب غريبة دانيال بو جبارة
اخر تحديث : منذ 2 شهر
كلمات لطمية زينب غريبة دانيال بو جبارة
محتويات كلمات لطمية زينب غريبة دانيال بو جبارة
يهدى ثواب العمل إلى روح
جدي حسن حسين بوجبارة
و والدي أحمد حسن بوجبارة
و أرواح المؤمنين و المؤمنات
يصيحون.. يأشرون.. أخت من سبيه
وانه أم عون.. الوكت دار.... عليه
اول تالي بت حيدر مچتوفه ويمشوهه
بقصر گتال اخوهه اشلون ذيچ الوگفه وگفوهه
قسو بيه بحچيهم حيل وعليها الصوت علوهه
القصر والبي فرد چلمه زينب وسفه سبوهه
شسولفلك على اهل الشام خويه السالفه تجرحك
طبت تبچي زينب غاد وأهل الشام بس تضحك
راسك من دخلنه السوگ گوة مچلب أبرمحك
غرايب.. أصد وين.. والوجوه غرايب
خرايب.. سبي الشام.. گعدنه بخرايب
من عزي ودلالي الچان بخرابه گعدتي صارت
ماغمض جفن بيه اختكم خويه مانامت
الضاع لها مثل عباس بين الغربه ماعاشت
بچت مو من بچي زينب خويه من القهر ماتت
وين بيا وكت عباس أندهه ومايصد لاخته
بالسوگ ونظرت اعليه ويصد بالدمع شفته
من شفت القصر ناديت ياشارة علي وبخته
يضحكون.. ويشمتون.. أ يا حيف بالظعون
يرامون.. حچي أحجار.. علينه يشمرون
وبذاك السوگ يحسين اشصار
وازغار اكبار ترمينه احجار
تدگ اطبولهم والناس فرحانه
لهاي الناس فرجه ايزيد سوانه
الضعن يمشي وتروش الناس ويانه
اشما نندار بحجار اتلگانه
مره يضربون مره يشتمون
لحگ يحسين شتصير ام عون
من ارفع عين توگع على الراس
مره اعله حسين مره العباس
انا مشيت درب مامشيته
وچتال اخويه رافجيته
انا من قلة الوادم نخيته
صرت مدنقه راسي القبل عالي
وانه الچان محد ينظر خيالي
اخذ مني الزمان الزين والغالي
وسفه انشاف خدري وهاذي تاليه
مشدوده بحبل وظالم يجر بيه
بين الجيش امشي لو مسبيه
يمه يا ام حسن يمه تعالي
وشوفي كربله شسوت بحالي
انه يمچ يزينب مو بعيده
انه شفت حسين من حزوا وريده
انه نوبه انهض و ادور خنصر ايده
ونوبه انهض ادور چف عضيده
لا تبخل علينا بالنشر في مواقع التواصل الاجتماعي طبعا بعد ان ينال اعجابك