كلمات لطمية زينب والحسين وكمر هاشم حمزة الزغير
اخر تحديث : 25-02-2023
كلمات لطمية زينب والحسين وكمر هاشم حمزة الزغير
محتويات كلمات لطمية زينب والحسين وكمر هاشم حمزة الزغير
زينب والحسين وگمر هاشم
مصيوبين بمصاب الفواطم
للتوديع يردون ....... الله اشمصيبه
زينب بليلة العاشر جاعده تحسب بأمرها
لن تشوف الشمس بزغت والگمر يزهي بخدرها
حسين والعباس عدها وشوفت إخوتها تسرها
صاحت هلا بعينة هلي ....يا حسين يا نعم الولي
وصدت لعد راية علي... وبيد ابو فاضل ذخرها
لزمت رايته بيد الكفاله
وبيد الخدر اومت على عياله
صاحت يخوتي شلون ..... الله اشمصيبه
حسين للتوديع واجف والمناية تحوم دونه
وزينب وبدر الهواشم للعتب يتناگلونه
گطعوا گلب الحسين و ذوبوا شحمة عيونه
لاجت بعينه دمعته ..... وخوفه على حامل رايته
وصاح على زينب رادته .... بالعتب لا تضهدونه
صاح حسين يا مهجة الزهره
للعباس لاتحرجين أمره
عتبچ صعب مايهون...... الله اشمصيبه
هالله هالله لون صده صدت الحره لوليها
عينها بوجه الحسين و لازمه الراية بديها
تريد ماتمانع إخوتها والفراگ يعز عليها
صاحت ومدمعها جرى .... لحد يسبع الگنطره
أمر الحرم شيدبره ..... لو دنت ساعة سبيها
حيرتي زماني باصروني
وبهالليل ما تغمض عيوني
چيف تنام العيون....... الله اشمصيبه
اگعدوا عد زينب إخوتها والفلك وضعه تغير
وصاح ابوالسجاد عندچ علم يامودعة حيدر
إحنه قسمتنه الشهاده تسجلت من عالم الذر
واليسر يختي حصتچ ...... گومي إستعدي لغربتچ
وتسلمي عيال إخوتچ ..... وإحنه نمشي على مگدر
صاحت والله لحفظلك كرامه
بعيالك وربيلك يتامه
وبزينب اشتدرون ...... الله اشمصيبه
اهنا ياريحانة محمد غربتك هدمت حيلي
آنه ادري اشيمر بيه ويا سهم يگطع دليلي
آنه زينب والكفلني عدل وارد انشد چفيلي
عباس أدري بشيمتك ... ويه حسين إشنيتك
ضحي لخوك برگبتك .... والدهر خليه جبيلي
صاح حسين اخوچ تشجعينه
هذا يبيع للخوه يمينه
وهذا وداع مرهون ...... الله اشمصيبه
تجلدت بالصبر زينب واليسر لبست ثيابه
وما دريت شلون ردت لبن والدها جوابه
ارشد ارشد للشهاده والعهد صفي حسابه
واحنه رضينه باليسر ...... نصبر ولله الأمر
والصبر عالبلوه الصبر ..... والدهر عين صوابه
للشامات لو سدر ظعنه
وإنتوا بكربلا ظلوا ويا اهلنا
وعالغبره تنامون ...... الله اشمصيبه
بعد اوصيچ بوصيه لو چتل بالطف گضينه
لو حدى الحادي بسبيكم مري للتوديع بينه
وحگ لبو فاضل يزينب ظل عليچ وتعرفينه
چفوف اخوچ مگطعه .... تلگيها دون المشرعه
يريدچ تجين لمصرعه ..... شوفي حاله وتعذرينه
صاحت خاف للعباس اشوفه
وگلبي ينگطع گطعة چفوفه
وعيالك يسيبون ...... الله اشمصيبه
لا تبخل علينا بالنشر في مواقع التواصل الاجتماعي طبعا بعد ان ينال اعجابك