كلمات لطمية شلون ليله يودع حسين العقيله حمزة الزغير
اخر تحديث : 26-02-2023
كلمات لطمية شلون ليله يودع حسين العقيله حمزة الزغير
محتويات كلمات لطمية شلون ليله يودع حسين العقيله حمزة الزغير
شلون ليله يودع حسين العقيله
تصيح زينب بالحرم آنه الكفيله
زينب تودع وليها.... والفراگ يعز عليها...شلون ليله
چني أسمع صوت زينب بالأفلاك السبعه يدوي
ومن استار الخدر يظهر يصعد العالم العلوي
يا إلهي وهذا عهدي گبالي چالمصباح يضوي
وهاي المصيبه الراتبه.... بعالم الذر مرتبه
وبسمعي صوت النايبه....من مصادر عهدي يروي
شلون ليله فرقت شمل الهواشم
ومن يطر فجر المصيبه ينهدم عز الفواطم
والمصيبه عالميه.... خيمت بالغاضريه...شلون ليله
اشما اوصف خدر زينب وحگ زينب ما اغالي
بگلب صيوان الرساله مركز بقمة معالي
مستر ابيض الهنادي مركز بسمر العوالي
ولن گوس الموادع رمى....سهمه بگلب بت فاطمه
صاحت وعالهم كاظمه...رخص دمعي الچان غالي
شلون ليله ليلة أخطار ورهيبه
شحال زينب باچر تصبح غريبه
والغرب بين علي... محيره وشيطح بديه...شلون ليله
ليلة وداع الهواشم ما مثلها تصير ليله
ومثل ونة گلب زينب ما علت ونة ثجيله
مو وداع تگول جمرة بگلب مكفول وكفيله
سيوف الفراگ الحاسمه....ونار الطفوف المظرمه
وسهامها المتراكمه ... كلهن بگلب العقيله
شلون ليله وعالحرم بين خطرها
هاي التودع إبنها وذيچ التوادع ذخرها
هالله هالله يا كفيلي... بهالوداع إنهدم حيلي...شلون ليله
بهدوه من ليلة العاشر زينب إخوتها اعتنوها
ونگلوا جدام الوداع وللوديعه يودعوها
تضرب اليمنه على يسره البت رسول الله لگوها
من شاهدت شمس وگمر.... والنور بالخيمه زهر
گامت ومحنيه الظهر.... وعرضت الحال على اخوها
شلون ليله وزينب تفارگ خدرها
والنوايب ذوبن شمعة نظرها
هالله هالله شحال زينب.. تفارگ الخدر المرتب...شلون ليله
تعلم بصدره يتكسر والشمر يگطع وريده
حبته بصدره وتشمه وردت النوب العضيده
هاك روحي وجيب روحك وانه عنك مو بعيده
ومدت چفوف العاطفه ....... وتجلب چفوف الوفه
وصاحت على الدنيا العفى .... لا تخليني وحيده
شلون ليله زينب تگضي ويا أهلها
تشم الحسين بوريده تگلب جفوف الكفلها
گسمت إلها الشريعه ... وشافت چفوف الگطيعه...شلون ليله
چني أتصور خيمكم تسعر النيران بيها
وچني أتصور حرمكم عگب عزها ميسريها
وعلى النوگ الهزل تمشي وبالحبال مچتفيها
شيطفي نار الفاجعه ..... والمرضعات اللايعه
ساعه وتضيگ الواسعه .... لو حدى الحادي بسبيها
شلون ليله وزينب تفكر بأمرها
شهالمصيبه تحسب حساب اليسرها
زينب وصابر گلبها ..... بالغرب يرعى هربها...شلون ليله
هالله هالله شهالوداع الزلزل العالم رهيبه
وگوس المفارگ اسهامه الگلب المفارج نصيبه
وفاضت دموع المحنه وخمدت نار المصيبه
وگلوب العيال بفزع ..... بس گلب زينب ما جزع
صدت على إخوتها بورع .... والمخاطر ما تهيبه
شلون ليله والملك تنعى بسماها
غربت شمس الديانه وانحجب بالطف ضياها
دنت ساعات المصيبه.....وصارت العالم بريبه ...شلون ليله
لا تبخل علينا بالنشر في مواقع التواصل الاجتماعي طبعا بعد ان ينال اعجابك