كلمات لطمية صاحت وراهم باسم الكربلائي
اخر تحديث : 03-03-2024
كلمات لطمية صاحت وراهم باسم الكربلائي
محتويات كلمات لطمية صاحت وراهم باسم الكربلائي
دفنوها ومشو والهم خذاهم
واسمع فاطمه صاحت وراهم
حيدر حسن وحسين
فزت تبچي زينب
عن لسان الحال ابين
فاطمه شنهو التريده
استعجلو فگدتني زينب
هي مثل امها وحيده
فزت من النوم تبجي
تصيح احس امي بعيده
حست بعد ما راح ارد
شيرجعه النام بلحد ؟
زينب زغيره اعله الفگد
كتبت عليه قصيده
بالباب اكعدت والصوت اسمع
ما ارجع اذا مو امي ترجع
ما تدري صرت وين
فزت تبجي زينب
ياعلي استعجل بمشيك
تموت زينب من بچيها
صدمه ابنيتي جبيره
ان شاء الله تلحك عليها
لو شفتها عليه تلطم
ياعلي الزم اديها
وامسح دمعهه بيمنتك
تهدا اذا بس شافتك
زينب امانه برگبتك
اتسالك اول ما تجيهه
بويه وحدك رديت اليه ؟
زينب يعني من هسه سبيه
حست خبر مو زين
فزت تبجي زينب
يالحسن ابني وچبيري
عينك اعله اختك ييمه
اخذ صم تراب بيدك
عطر كبري خل تشمه
اتلاحك وسكت بجيها
خاف من النوم تعمه
زينب زغيره وتنتظر
وگلب اليتيم يلا صبر
لو جانت الدنيه ظهر
بيته هم تشوفه ظلمه
هسه حضنت الباب بدمعها
وخاف الباب هم يكسر ضلعها
مني كسر ضلعين
فزت تبجي زينب
حسين يمه حسين يمه
انت اقرب واحد الها
هسه لتصبرهه يبني
العايله موجوده كلها
بكربله عندي وصيه
من تصير اخر اهلها
قاتل ابعيد من الخيم
زينب تموت من الالم
وجسمك سهم فوك السهم
غربتك ماكو مثلها
وصي ابعيد ميمونك يطيحك
زينب ما ردت تنظر لذبحك
حلمت بالصواووين
فزت تبجي زينب
ابوذيات كف لا ينصاب سرن بي
للشاعر ناظم الحاشي
httst.mem7bebasim54245
وحك ال بالمهد جبريل كفلا
علي بفراك فاطم ضرب كفلا
مثلها منخلق بالكون كفو لا
ولا سدت مره غياب الزجيه
غضب ربج على العاداج ينصاب
وعزائج يم حسن كل يوم ينصاب
رادوا قلب حيدر بيج ينصاب
ويدفنون الوفه حدر الوطيه
اسرار الحزن بغيابج سرن بي
علي وتهدمن بعدج سرن بي
هموم السرن بيتامج سرن بي
وحمل ما حملت اطفالج رزيه
لا تبخل علينا بالنشر في مواقع التواصل الاجتماعي طبعا بعد ان ينال اعجابك