كلمات لطمية طاح القائد العام مصطفى السوداني
اخر تحديث : منذ 3 شهور
كلمات لطمية طاح القائد العام مصطفى السوداني
محتويات كلمات لطمية طاح القائد العام مصطفى السوداني
طيحن ها يالخيام ... طاح القائد العام
مات .. مات ... الچان اذا يمشي شحلاته
مات .. مات ... الينسبن بعده خواته
بعيونه السهم نام ... طاح القائد العام
١ نحره من اتقربت يابس لگيته
بچيت بالجربه و دمع عيني رويته
ما بقى بعيني بچي كله بچيته
من شفت آخر سهم صوب لحيته
شفته حاضن الجود .. مو بيده بالزنود
خلها ببالك هذي يا ماي
منك عباس اكبر هواي
بحضرته تلبس حرام ... طاح القائد العام
٢ تحضري يا زينب للسياط الثگيله
راحت أيام ابو فاضل يالعقيلة
مگطعينه و ردت المه بكل وسيلة
ما شفت بي لزمه خاطر منها اشيله
گتله بداعتي گوم .. مو للمثلك النوم
آه آه ليده من مديت اديه
آه آه بس ردان و ماكو هيه
راحت ذيچ الأيام ... طاح القائد العام
٣ چانت أمنيتي أحط ساعد بساعد
بوست زنده و حضنته و آنا گاعد
اموادع و صار الشبگ من طرف واحد
ردت اموت من البواچي الله شاهد
سمعته يگلي ممنون .. مروتك جيبلي ام عون
فراگج منه هواي موجوع
زينب غيرچ ماكو موضوع
ذبحوا ملح الإسلام ... طاح القائد العام
٤ منين ما باوعله توجع ذكرياته
الأخو من يموت الأخو يكره حياته
لحظة ما نتفارگ شلون بمماته
راح المدللني و مدلل خواته
يرفس شفته مذبوح .. وضعه يطلع الروح
ظلمه حياتي شما شفت ناس
شتسوه الدنيا بلايه عباس
أبقه بدونه محتام ... طاح القائد العام
٥ بين أودعه و بين أبقه وياه حاير
خاف أرد للخيم واعثر بالضماير
خاف أعوفه و ترجع تسحگه الحوافر
من القهر عباس أخوچ بكبري صاير
و من تگربت ليه .. شفت مگطوعه رجليه
زينب گومي و نشفي العيون
زينب بس حضريلچ متون
و تحضري السبي الشام ... طاح القائد العام
٦ عفته عالشاطي و جبت وياي وني
للخيم رجليه گوه وصلني
عطرچ و صوتچ يا زينب عذبني
كلهن بعباس أخوي يذكرني
جيت و دمعتي تفور .. زينب ظهري مكسور
بغيره بريتي يا هوى يفوت
امنيتي عالشاطي سوه نموت
شيحققلي الأحلام ... طاح القائد العام
لا تبخل علينا بالنشر في مواقع التواصل الاجتماعي طبعا بعد ان ينال اعجابك