كلمات لطمية طالع يباهل باسم الكربلائي
اخر تحديث : منذ 6 أيام
كلمات لطمية طالع يباهل باسم الكربلائي
محتويات كلمات لطمية طالع يباهل باسم الكربلائي
طالع يباهل اب كامل وقاره
طلعة محمد لهل النصارى
لاچن طلع عطشان
باهل بني مروان
طلع طلعة محمد من تظلل بالغمام
طلع طلعة نبي لاچن عله هيئة إمام
طلع گبل الحرب رايد يحاجج بالسلام
يسولف بالعقل تالي يسولف بالحسام
لو تصفن إلها تعرف طريقه
احسين او محمد نفس الحقيقه
ابسورة بني عمران
باهل بني مروان
تعالوا ندع كلمن بابنه يتباهل يريد
و أباهل بالشهيد ابن الشهيد ابن الشهيد
أنا ابني الأكبر او ياهو ابنك إنته يا يزيد ؟
من الكوثر بنيني و إنتو من ماء صديد
منهو اللي مثله لجل الشريعه
ابكلشي يضحي حتى ابرضيعه
بولاده و الرضعان
باهل بني مروان
و إذا جبتوا النسا وكت التوجه بالدعاء
نسائي زينب الماكو مثلها بالنساء
فرق بين العلمهن أحمر ابيت البغاء
من اهل العفه و الحجبهن الله بالكساء
أشرف نساكم هند او سميه
و احنا نسانا ابنات الزچيه
بام الخدر و الشان
باهل بني مروان
و إذا جيتوا بأنفسكم تريدون النزال
أنادي اركب بنفسي يا گمر هاشم تعال
إذا عدكم أيادي للدعا و الإبتهال
أباهل باللي ما عنده يمين او لا شمال
جيبو زلمكم او خلي نباهل
و آنا أنادي ها يابو فاضل
ابخزرة گمر عدنان
باهل بني مروان
الحدث لو رد تكرر يختلف تالي المصير
النصارى اشرف من اميه اللي ما بيهم بصير
محمد من طلع رد و اهوه لبناءه نصير
و أنا ابني من طلع رديته مشيول ابحصير
شاله اعله صدره للخيمه جابه
الله يعينه الفاگد شبابه
و ابذبحة الشبان
باهل بني مروان
البتول امي اطلعت لاچن تحفها المستحاة
او علي امباريها و امحاوطها من أربع جهات
و أنا اختي الركضوها آل اميه بالفلاة
بنات الزهره عگب الحشمه تالي امسلبات
شيقدم أكثر من تضحياته
او للباري ضحه ابهيبة خواته
حتى ابسبي النسوان
باهل بني مروان
طلعنه أهل الكسا خمسه او رجعنه امأمنين
لچن يوم الطفوف اخواني كلها امذبحين
بنفسي چان أخويه او شفته مفضوخ الجبين
تركني او عالنهر تارك شماله و اليمين
احسين ابإباءه دين الله ما ذل
يشبه محمد يوم اللي باهل
بس مو بني نجران
باهل بني مروان
لا تبخل علينا بالنشر في مواقع التواصل الاجتماعي طبعا بعد ان ينال اعجابك