كلمات لطمية طر الفجر محمد الجنامي
اخر تحديث : 19-07-2023
كلمات لطمية طر الفجر محمد الجنامي
محتويات كلمات لطمية طر الفجر محمد الجنامي
طر الفجر يا فجر كلب اليحب ما ينام
شاعر يصير الدمع بمن يموت الكلام
ما استحق صحبتك يكفيني رد السلام
يكفيني رد السلام
آني اصغر من احبك وانته اكبر من حبيب
وانته اكبر من قضيه تنتهي قبل المغيب
هيه كلها الدنيه ملكك لكن انكلك غريب
يالي ساترنه بثيابك والثمن جسمك سليب
تظل عالي بأمر ربك تعاله
يساكن روحي واندهلك تعاله
لون مو راسك برمحه تعاله
فلا راس ارتفع يبن الزچية
لو نفترض ما تحب .. مايبقه للحب مكان
لو ما صدر ينسحك .. مات بصدرنه الحنان
لو ما تطيح الخيم .. ما يبقه مسجد حرام
ما يبقه مسجد حرام
والله لو ما تحني ظهرك عالنهر يم الكفيل
ما تظل الخوه خوه والهجر هوه البديل
علمتنه الباع دينه يرخص وعايش ذليل
والتعيش براسه غيره ما يساوم مستحيل
وحك البالخيم چانت ترابك
عرفت عيوني من تعمه ترابك
لون ما برتوي بدمك ترابك
فلا تسجد عليه الرافضيه
نمته بأمان ورغد .. يالنايم اعله التراب
لو ما حبال السبي .. يبقى الحبل بالركاب
لنك حنين وترف .. يلتم عليك الحمام
يلتم عليك الحمام
ينولد يوم الممات
والله لو ما يحچي نحرك يرتفع صوت الطغاة
بالوزن أدري إضفرك اثكل من الكائنات
من نقيسه بماي وجهك قطره ميصير الفرات
جبير وكلشي يزغرلك كفالك
يضيع الكون من يمتد كفالك
عجيبه تمددت والطف كفالك
ورمش عينك غطه الهاي الوطيه
ينزف رضيعك لجل .. يبقه العطر بالورد
لو شفنه بيرغ يرف .. صحنه الفخر للزنود
من مصرع للنهر .. تمتد جروح الخيام
تمتد جروح الخيام
لو طحت جا كلشي طايح بس طحت للإرتفاع
انته يا أوسع سفينه وچف أيو فاضل شراع
خنصر ايدك كونه ضايع يعني ضعنه وكلشي ضاع
والله لو ما تزئر انته نخضع الحكم الضباع
وحك العالنهر طاحت يساره
تره بزودك كلايفنه يساره
لون ما رحن الخدر يساره
فلا صار الشرف عدنه هويه
لو ما وجودك أبد .. ما تنوجد كربلاء
صوب جبهتك حجر .. صار بكصصنه الحياء
كالو رجع للخيم .. وانته أرجعت للأمام
وانته أرجعت للأمام
لا تبخل علينا بالنشر في مواقع التواصل الاجتماعي طبعا بعد ان ينال اعجابك