كلمات لطمية طفله وشفت بالنوم باسم الكربلائي
اخر تحديث : 29-01-2023
كلمات لطمية طفله وشفت بالنوم باسم الكربلائي
محتويات كلمات لطمية طفله وشفت بالنوم باسم الكربلائي
طفله وشفت بالنوم جن والدي المظلوم يمي ويحاجيني
ويقلي كافي اللوم لابد اجيج ابيوم ياطفله تانيني
عليله وعالسهر متعلمه اعيوني ما ادري شجاني وغمضت اجفوني
رحت سارحه ابطيفي وعالم اضنوني واحس وجهي تغير وانخطف لوني
بس ماغفت هالعين وانطبقت الجفنين لن شاهدت عيني
جن شفت ابوي حسين ويقلي لاتبجين ياطفله تانيني
ابويه حسين جن شفته حضر يمي وتبدد غيم حزني وزال كل همي
على صدره يضمني ويلهج باسمي يقلي ليش دمعج عالوجن يهمي
ياطفله كافي النوح ضفتي على جرحي جروح منهو اليداويني
لابد هضمنا يروح وارجع وافرح الروح ياطفله تانيني
يمسح فوق راسي بجفه ويشمني على صدره الشريف الطاهر يضمني
يقلي حالتج ياطفله تهضمني وهذي دمعتج اكثر تألمني
لابد زمان يعود من السفر موجود يمج تلاقيني
هذا الصبر موجود لابد ارد ردود ياطفله تانيني
عقب ماقعد يمي وضمني لصدره جاوبته بنحيب ونايحه وحسره
يبويا شلون جرح البلقلب يبره وانت بعيد عني وسلوة العبره
اتسلى بالاعبار واتنطر الاخبار ياساعه تلفيني
جاوبني هذا الصار لابد ارد للدار ياطفله تانيني
عفتني بعلتي ونوحي وجمر وني غبت والغيبه غيبه واكطعت ضني
ابعثت لك جم رساله جم خبر مني وقلتلك ليش ماتنشد بعد عني
عن عيني شخصك غاب واتمنى خط كتاب منك يوافيني
متنطره اعله الباب ما ارسلت لي جواب ياطفله تانيني
يبويا عليك احن ماحنت الناقه لعلي الاكبر اخويا شكثر مشتاقه
وعبد الله الطفل يامصعب فراقه صدق ويا رقيه اختي اتلاقه
من هالحلم فزيت لن خالي شفت البيت والهم يباريني
دمعه حزن صبيت وينك يمن ناديت ياطفله تانيني
النوب الحال اصعب صار وتغير ولا ادري الحلم بالعكس يتفسر
بس ايتام رجعت من هلي وخدر وخبرنا الوالد بطف كربلا موذر
والمايمر عالبال بس عايله واطفال رجعت تواسيني
شلون انعكس هالحال چا وين ابوي الگال ياطفله تانيني
كلمات الأديب جابر الكاظمي
بصوت الرادود باسم الكربلائي
لا تبخل علينا بالنشر في مواقع التواصل الاجتماعي طبعا بعد ان ينال اعجابك