كلمات لطمية عباس ادخيلك باسم الكربلائي
اخر تحديث : 05-08-2023
كلمات لطمية عباس ادخيلك باسم الكربلائي
محتويات كلمات لطمية عباس ادخيلك باسم الكربلائي
عباس ادخيلك ساعدني وانشيل الاكبر
لو أترك بالمصرع جسمه لو إنته تحضر
بسيوف او رماح راح اوليدي راح
علي او محله الذي توه گصدني
شبگته لا أهده او لا يهدني
طلع وابطلعته افراگه ضهدني
أحس روحي اطلعت بس حي بعدني
أصدله ابحومته او وجهه يشدني
ركض مهره يوديني او يردني
چانت عيني اتفيض او تدمع كلما أصدله
ياعباس او تدري ابخيك دمعاته سهله
واصبي عيني ساح راح اوليدي راح
چنت من عالبعد أبچي او أنظره
مثل ناعوره عبره اتبدي عبره
أويلي او من إجه السيف اعله غدره
طبر راسه او أحس ابراسي طبره
دمه وانحجبت الرؤيه اعله مهره
او لمن ضيع درب ضيعلي عمره
راح العسكرهم ياخويه والكل تهافت
غير اغبار او دم يتناثر ما عيني شافت
واشعر گلبي طاح راح اوليدي راح
گصدت المصرعه والجيش ابعده
او طحت عالأكبر او خدي اعله خده
گبل موته متت چم مره عنده
الجسم ماظل جسم ياجرح اشده
لفظ روحه او أحاول بي واگعده
او صحت صيحه العفا عالدنيا بعده
ما أگدر أترك جثمانه او مگدر أشيله
ناديتك وي فتية هاشم مابيدي حيله
امگطع بالصفاح راح اوليدي راح
ابثلاث احروبي والطف هذي أربع
جسد مثل ابني ما شايف تگطع
صحت يا بالفضل أدركني وافزع
تعال ابباريه او بالجثه نجمع
أنا كلما أريد ابجثته أرفع
جزء منها انرفع والثاني يوگع
دور وياي ابكل بقعه او ياخويه حاذر
خاف الخيل اموزعه ابجسمه ابركض الحوافر
اشخلتله الجراح راح اوليدي راح
أبد ما قصرت يمجمع الاوصال
عسن لا مثله بيك اتسوي الاجال
يكفال الظعن رايدلي كفال
تكفل بيه طولي امن الحزن مال
إذا مغشي اوگعت جدام العيال
إخذ من دمعك او رش وجهي بالحال
يملازمني او يمعاضدني خويه اعله كلشي
اشما تختل خطواتي اسندني بالگوه أمشي
مكسور الجناح راح اوليدي راح
رجعنه او عالثره ايخط جاري دمه
او لجل ملگه الولد بخيامي لمه
اشعجب ما ليلى طلعت تبچي يمه
أثاري امن الخبر مغشي اعله أمه
ركض زينب إجت رادت تضمه
يعباس انته صبرها اعله همه
خنگتني العبره او ما أگدر وياها أحچي
كلما ردت اتمالك روحي أنظرها وابچي
وايزيد النياح راح اوليدي راح
ذبح روحي البچي ويه العقيله
او بعد ذبحه إلي امن ابچي اويه ليلى
أگعد بالغشه اعليها رحيله
القتيل اوليدي لو هيه القتيله
دمعها لحظه ما بطل مسيله
اعله واحدها اللي ما واحد مثيله
ليلى ابحب اوليدي الأكبر حاله عجيبه
او ليلى ابحزن اوليدي الأكبر ألله اشمصيبه
صوتي اوياها صاح راح اوليدي راح
لا تبخل علينا بالنشر في مواقع التواصل الاجتماعي طبعا بعد ان ينال اعجابك