كلمات لطمية عليمن جايني العيد باسم الكربلائي
اخر تحديث : 04-02-2023
كلمات لطمية عليمن جايني العيد باسم الكربلائي
محتويات كلمات لطمية عليمن جايني العيد باسم الكربلائي
رجاءا گولو للعيد زينب واليتامه
يشوفونك إذا جئت مثل يوم القيامة
إذا مو والدي وياي على العيد السلامة
ضعت مابين الجروح وادورلي ابتسامة
شمعتي وشمعه البيت
طفن وبحيرة ضليت
العيد اشيلگه بيه
سواد الهم عليه
جرح ما يقبل يهيد
يبويه ومن يجئ الليل تضل روحي اتمنه
تجيني وتگعد وياي واشوف الدنية جنة
بدونك كل الوجوه ولا بيهه من اهلنه
وادور بالهوه إلهاب ولا نسمة محنة
غريبة ابعين الأيام
واعيش إحساس الأيتام
منو ايزور اليتيمة
يعيد ابلايه خيمة
عليمن جاي شيريد
يا فرحه ألتجئ وياي وأنا مضيعة الأماني
اشوفن بوية الهلال إذا طولك اجاني
حرت ما أدري دفنوك لودفنو زماني
ولا مشتاگه للعيد مشتاگتلك إني
ادورك بين العيون
حلم ميت بالجفون
وحگ شوگي ولهفتي
چنت كلمة يبنتي
يبويه أسمعها تجويد
يدگ بأبي الفرح جاي وإني شباقي عندي
شألبس وإني الجروح تفصال أعله گدي
نشاز البسمه ياعيد والدمعة أعله خدي
يتيمة وجنحي مكسور أحس الدنية ضدي
أطير وجنح الأيام
يذبني أبين السهام
اليتيمة ابعز فرحها
حمامة إبلا جنحها
زمن ما يرحم أيصيد
إذا الوادم يعيدون وأريد اكتم عبرتي
وأكابر وأخفي الدموع وأضم عنهم دمعتي
أثر لغيابك الناس يشوفونه أبو جنتي
بدونك صورة مرسومة ابصفنتي
ارسمك دمعه فراگ
واهيم ابنار الاشواگ
يجئ العيد أعله بأبي
يعزيني ابشبابي
غزت وجهي التجاعيد
بقيت أتوسل الطيف يجيبك لحظة لية
اگلك نار الفراگ جمرها اشسوه بيه
بعد كل هاي الهموم ورائه الغاضريه
مقسومتلي كل عيد دمعتي اتحني اديه
تجيني الفرحة شتشوف
صرت أوف ابكتر أوف
الجرح من الطفولة
نهاية عمري طوله
حزن ماينقص ايزيد
ورائه ابگد الأحزان والهموم العشتها
حيره ابكربله هناكه ولاعمري شفتها
اوادع عالنهر روح واموتن لوعفتها
لأخويه مهره الموت بدية قدمتها
واقبله ابصدره واحتار
أطفئ ابدمعتي النار
واروحن بالنهايه
أنا وخدري سبايه
لا تبخل علينا بالنشر في مواقع التواصل الاجتماعي طبعا بعد ان ينال اعجابك