كلمات لطمية علي صوتك باسم الكربلائي
اخر تحديث : منذ 1 يوم
كلمات لطمية علي صوتك باسم الكربلائي
محتويات كلمات لطمية علي صوتك باسم الكربلائي
عله صوتك هله صحنه يبقية علي
على مودك يبو الأكبر واسمع مايلي
باچر من الصبح .. نصعد اعله الرمح
بسم الله طبينه ميدانه
كون انموت والراية فوگانه
ان شاء الله نتگطع اهنانه
والبي خير خل يوگع ويانه
يالعطشان باجر اذا جانه
مو بقصور بالحومة يلگانه
عابس ذاك من هسه مولانه
شال الجيش من اربع اركانه
على رفضك عل رايك يانور البصر
سوه جينه سوه باچر ما يسلم نحر
والنصر والفتح .. نصعد اعله الرمح
بس اليوم والدنيا نطويها
راح يصير عاليها ناصيها
هاي الگوم باچر نخليها
بس امتون ترجع لاهاليها
راح تشوف مو واحد المصرع
متفقين نوگعلك امربع
جينه وياك مو بالحكم نطمع
طمعانين بالحومة نتگطع
عله گاعك دمه نشتل والحاصل ورد
على صيفك نجي غيمة ونمطرلك برد
جينه مو للصلح .. نصعد اعله الرمح
ياظلام طبوكم انصاره
حي حسين وانطالب بثاره
منصورين وبدمنه البشاره
راح ايصير للعالم زيارة
هذا حسين چا وينه مولاكم
ماكو ارجال كلكم عرفناكم
گبعوا الروس انتم ولي وياكم
صح شيوخ بس طوعة تسواكم
غدا انخط على دمكم ذلة وما تجف
لچن احنه اذا طحنه عنكم نختلف
جثة ماننطرح .. نصعد اعله الرمح
يامولاي خطتنه مكشوفة
واستفسار عن حالة مألوفة
كون الجيش بس هذا لنشوفه
ليش الخوف عابر على الكوفة
والزهراء لو طاحت اعمامه
كل الجيش مايبقة بخيامه
وابن القين من يرفع اللامه
يا رجال يوگف على اجدامه
حچه عابس حچه مسلم ويگلك وهب
يا عشگنه مانعوفك لو طاحت رگب
وبصدر منشرح .. نصعد اعله الرمح
مو بالسيف بالمنحر انقاتل
نحچي ابزود وابن امه لينازل
لا والله مو قصة انجامل
بس ياناس صاحبنه يستاهل
يالأرجاس جاكم خبر عاجل
نزلوا الروس لا يزعل الكافل
فوگ الخيل وال عالارض نازل
ماتسوون شيبة من ابو فاضل
فده كلكم لبو فاضل بدر العايلة
اخو زينب على صوته مالت كربله
ناده رغم الجرح .. نصعد اعله الرمح
ها يحسين خل تبشر اخيامك
مو بعدين طيحتنه گدامك
قبضة سيف خلينه بحزامك
الا السيف ينزل على اجدامك
والأخبار من هسه محسومه
لو بس روس لو ناخذ الحومه
جوة الخيل باچر فرد نومه
كلنه بيوم مو كلمن بيومه
على خيلك مشي نصعد والطاير يحط
دمة ننزف مع جرحك بس إلا بشرط
كون اذا ننذبح .. نصعد اعله الرمح
والسبعين صارولك هوايه
جيل لجيل ماتوگع الراية
مو للموت منطينك احچايه
بالتابوت ونسوي القرايه
بعد الموت ماتخلص ايامه
جوه الگاع هم نبقى لطامه
والمحتار خل يسأل الهامه
معروفين من طگة القامة
أنه مجلس أنه بيرغ لعيون السبي
على گبري غدا اكتب خادم زينبي
عدنه احله ربح .. نصعد اعله الرمح
مخلوقين من فاضل الطينه
يعني حسين اغلى من اهالينه
واحنه تراب ياربي نادينه
فدوة انروح لعيون ابو اسكينه
وابن العاص خل تسمع احفاده
ربع احسين قادة بظهر قادة
والمبغوض نحچيها بعناده
هاي الگاع لحسين واولاده
لانسامح لانفاوض لانرضه بسلم
ترة لجلك دمه نوگع وانخضر زلم
ما نخون الملح .. نصعد اعله الرمح
اللهم عجل لوليك الفرج
لا تبخل علينا بالنشر في مواقع التواصل الاجتماعي طبعا بعد ان ينال اعجابك