كلمات لطمية فرقة ورد باسم الكربلائي
اخر تحديث : منذ 3 أيام
كلمات لطمية فرقة ورد باسم الكربلائي
محتويات كلمات لطمية فرقة ورد باسم الكربلائي
فرگة ورد وي الماي
بس العطش ظل وياي
ملتني روحي روحي روحي روحي
من خله جفه اعله الراس
عشت اليتم بالاحساس
موتني نوحي نوحي نوحي نوحي
من حظروا نوگ السفر والخيمات
أحتاريت أحضر فرحتي لو دمعات
التمن عليه بالبجي العلوات
منهن عرفت الحرگه وياي تبات
عندي گلب ضل ينسمع بالنبضات
يركض وراهم ركضة المحترگات
من فارگوني و رديت
ظلمة گبر شفت البيت
والوحشة بيه بيه بيه بيه
من هد إيدية العباس
عشت اليتم بالاحساس
موتني نوحي نوحي نوحي نوحي
عيونك يبويه خل تشوف عيوني
بنيتك وما خسرك مكان إخذوني
أنا أمشي وحدي بويه لا تشيلوني
لو عطلتكم بالدرب عوفوني
خاف المرض والتعب يخطف لوني
بيا گاع أموت موافقة تدفنوني
خافن علي يسألوك
گلهم تهز الكاروك
رايدها گلبي گلبي گلبي گلبي
بين القلق والوهواس
عشت اليتم بالاحساس
موتني نوحي نوحي نوحي نوحي
يا بويه خذني مروتك يخف بچاي
مو بالهوادج أمشي ويه الحفاي
أحمل عطش واحمل شمس واحمل داي
أشرب دمعتي وما أگلك عالماي
بويه اعتبرني ابيتي ويه الما جاي
ما چني وياك المهم إنته وياي
إحسبني مثل الكبار
أعرف أگمط الزغار
واساعد أمي أمي أمي أمي
ملچومه يا گلبي اشحاس
عشت اليتم بالاحساس
موتني نوحي نوحي نوحي نوحي
بويه أرد أسألك لو رحت وبفرگاك
لو ردت أنام منين أجيبن يمناك
هو المرض يكثر يبويه بلياك
شلي بعد بالعافية المو وياك
إقنعني من أشتاق إلك وين أنساك
يالتمشي بالدم ياهو يمسح ذكراك
أنا أدري بيك تحبني
شمسويه وتفارگني
ما بيه لچمة لچمة لچمة لچمة
لمن شفت راسي انباس
عشت اليتم بالاحساس
موتني نوحي نوحي نوحي نوحي
من الدار أباوع للطفل والقائد
كل واحد محصل مكان و گاعد
لمن شفت عبدالله هودج صاعد
وانا مريضة تمرضت بالزايد
بوست إيديهم گوة واحد واحد
حيلي إنهدم من عاف اديه الوالد
للفرگة اريدن گلبين
بس گلب عندي مو زين
ما عندي ثاني ثاني ثاني ثاني
من إسمعت حچي الناس
عشت اليتم بالاحساس
موتني نوحي نوحي نوحي نوحي
الما عندها أبو يگوم الهوه البيها يعيل
من المرض شفت الأرض بيه يميل
يومي خلص يابويه شيخلص الليل
طبگ الرمش من البچي ما ظل حيل
عگب إيد أبويه وسادتي قال وقيل
شينومه إلماتني عطف عزرائيل
أنا أدري لو رد الراح
لو مسبي لو فوگ رماح
يلگوني ميتة ميتة ميتة ميتة
لا قصة بيه تنقاس
عشت اليتم بالاحساس
موتني نوحي نوحي نوحي نوحي
من وحشتي تفرحني جية دفان
حتى الهوه شامت يهز بالبيبان
كثر البچي من عيوني أروي العطشان
من ونتي ملوني حتى الجيران
گاموا يسمعوني حچي من الحيطان
هاي المريضة الظلت ابلايه إخوان
چانت ابلون الياقوت
من البچي راح تموت
غيرها ونها ونها ونها ونها
من لومهم مات الياس
عشت اليتم بالاحساس
موتني نوحي نوحي نوحي نوحي
وكت الظهر يوميه حسبات البال
تهجم علي چتال يلحگ چتال
و ابالي حيرة زينب يمين شمال
وحسين عنده بس حرم ضد رجال
من باب بيتي لغرفتي فراگ اعيال
گلبي خيم محترگة وصياح أطفال
ما خله عباس ادموع
شفته نهر بس مگطوع
محتاجه إيده إيده إيده إيده
متگطع وظل نوماس
عشت اليتم بالاحساس
موتني نوحي نوحي نوحي نوحي
لا تبخل علينا بالنشر في مواقع التواصل الاجتماعي طبعا بعد ان ينال اعجابك