كلمات لطمية كبرين باسم الكربلائي
اخر تحديث : منذ 2 شهر
كلمات لطمية كبرين باسم الكربلائي
محتويات كلمات لطمية كبرين باسم الكربلائي
گبرين
تسگیهم دمع .. و إلهم تنفجع
منك هدوا الحيل
گبرين
كل واحد كتر .. و إنته ليا گبر
تتوجه بهالليل ؟
الزيارة الرجبيه وين تگضيها ؟
عند النحر لو عند اللي سابيها ؟
يا ابن العسكري گلبك من يحن
إلمن تتجه و اعليمن تون ؟
و أنتو ابكل بلد عدكم چم گبر
لاچن یختلف هالليله الحزن
ليلة نص رجب ازياره او فاجعه
الشام او كربله أدموا چم جفن
بين التندفن ما بين الغرب
او بين العالثره ظل ابلا دفن
جسمين
واحد عالترب .. و الثاني الغرب
حفروا گبره بالشام
جسمين
هذا ابلا غسل .. و الثاني الحبل
جارح حتى العظام
و إنته الليله وين الدمعه تجريها ؟
عند النحر لو عند اللي سابيها ؟
الشام ابهالمسه مظلم سيدي
او ظلت عمتك وحدها ابيسر
لا زاير وصل لا رايه الترف
لا موکب عزه لا لطمة صدر
و إنته لو رحت عن زينب تره
الوحشه ترتفع و اتضوي الگبر
كافي الشافته من ظيم السبي
تمشي اميسره من قصر ل قصر
بالشام
ظلت عمتك .. تربي لجيتك
إلها اتغمض العين
بالشام
ماتت من وكت .. شافت بالطشت
حطوا راس الحسين
الغريبه تلتجي عدمن او يحميها ؟
عند النحر لو عند اللي سابيها ؟
جنة كربله أعظم من عدن
و الماله وطن صارتله وطن
هالليله الملك و الجن و الإنس
ابشهر المغفره اعليها اتوافدن
لاچن الگصد زينب عمتك
شاهد يا وسف مسدود الصحن
و الزاير يگف وگفتها على
باب الساعه من وصلت بالظعن
مسدود
باب اللي أبد .. ما ردله أحد
ماكو يمه زوار
مسدود
و أعتاب الشرف .. يا حيف او وسف
نام اعليها الغبار
او روحي الليله مدري وين أوديها ؟
عند النحر لو عند اللي سابيها ؟
عنكم سيدي وارد بالخبر
ازيارة كربله ليلة نص رجب
ميفوتك أبد شي من الأجر
لا من واجب او لا من مستحب
لاچن لو ردت تگصد كربله
تسمع صرخه من إيوان الذهب
احسين ايخابطك صوته من النحر
ينشد غيرتك و ايطلبك طلب
لا ايكون
يا تاسع هلي .. تتعنه إلي
تترك عمتك اشلون ؟
لا ايكون
تبقه ابلا أهل .. ظل عدها أمل
ابدفنتها تحضرون
بعد كيفك تظل ؟ لو تعتني ليها ؟
عند النحر لو عند اللي سابيها ؟
عگب ازيارتك تالي تتجه
من باب الشمس لي باب الگمر
تمشيله مثل جدك من مشه
إيد اعله الگلب و إيد واعله الظهر
ايگلك يا هله ابشايل رايتي
بس ابهالمسه ما يخفه الخبر
عم واحد أنا او چم عمه إلك
لجيتك تنتظر و إنته المنتظر
عمتين
مرقدهم غده .. ما بين العده
دون الهاشميين
عمتين
زينب و التي .. حرگت مهجتي
طفله ام أربع اسنين
رقيه ماتت او عد من تخليها ؟
عند النحر لو عند اللي سابيها ؟
لو صار العشا او صليت الفرض
و انگاب العزا بيه اتلثمت
تعقيبك على التل الزينبي
تسمع نايحه للصخره تفت
آنا الوالده الذبحولي إبن
و ابدرب السبي مشولي بنت
الليله من گبر أتعنه لگبر
من طف كربله للشام اگصدت
وياك
يا الثاني عشر .. أطوي ابهالسفر
خل يم زينب انروح
وياك
و انوخ الظعن .. يم باب الصحن
نبچي اعليها و انوح
مدري الزهره وين أكثر بواجيها ؟
عند النحر لو عند اللي سابيها ؟
خلصت ليلتك او حزنك ما خلص
و إنته ابهالسفر من جرح لجرح
آهك عالسبي ايحز حز الحبل
او دمعك عالنحر چن طعنة رمح
آذان الفجر شمسه ابلا ضوه
او كل فجر اليجي ويا تنذبح
خلصت ليلتك او غربة عيلتك
او تبدي غربتك وي طرة الصبح
كل يوم
يتجدد إلك .. مأتم من هلك
گلبك يمته يرتاح ؟
كل يوم
و احنه ابهالأمل .. وانصيح العجل
ستر الغيبة ينزاح
الثلثميه او ثلاثه او عشر تلگیها
عند النحر لو عند اللي سابيها ؟
لا تبخل علينا بالنشر في مواقع التواصل الاجتماعي طبعا بعد ان ينال اعجابك