كلمات لطمية لولا علي حيدر البياتي
اخر تحديث : 19-03-2025
كلمات لطمية لولا علي حيدر البياتي
محتويات كلمات لطمية لولا علي حيدر البياتي
لو لا علي .. لو لا علي
لفاطمة ماكو كفو
للمصطفى ماكو اخو
والراية يحملها منو
لو لا علي
علي بالسماوات
علي بالمجرات
علي بكل الفلاك
ولي
علي سر الاسرار
علي الجنه والنار
علي الله سواك
علي
محمد نصا ذكر خير البشر بصحابه
يعالي وحتى الجبل هم ينحني يم بابه
ولي الله المرتضى والمارضه لا يرضه
علينه هو الشمس هاي الشمس جذابه
كلها جذب الا علي
هوه الصدك وكت الصدك
وغيره بشر ما ينعشك
حتى الهوه ما ينشهك
لولا علي
علي يحل الكبار
علي مثله ماصار
ورسول الله سماه
اخو
اخو كد الفعال
اله العفيه تنكال
اخو بوكت الزماط
كفو
محمد صاح المدد يدري المدد فقاره
يمينه لا مارجف عكس الرجف يم غاره
يواحد عند النبي ماعنده حيدر ثاني
اليكرهك يابا الحسن ربك يحط بي شاره
ماكو فتى الا علي
حبه رزق واعظم رزق
نعم الولي الكل يتفق
هذا الفلك ما ينخلق
لولا علي
علي بكل الايام
علي درع الاسلام
ومهر ام الحسين
درع
علي الفاطمه عين
وضوها ابوحسين
الكمر يمهم يصير
شمع
احبك يابا الحسن اي والحسن وعيونك
كرامة هاي البشر كطره بحر من دونك
اليكلي ماحب علي ماحبه لو ابن امي
اصيحن لاخر نفس ماحب اليكرهونك
كلشي اخذ الا علي
عن حب علي ما ابتعد
وكت الصلا مثل الحمد
رب السمه ما ينعبد
لو لا علي
ابونه ابو حسين
حمل راية الدين
ترس چفه وتلوگ
اله
اذا رفت تصيح
علي سيد الريح
علي من الله عالناس
عله
بصفاتك يا بن مره وانت الاسد بالحومه
عدوك واحد شرد واحد نزعها هدومه
اعرفك مالك شبه كل اربعينك واحد
اليشبهك بس النبي باب النبي وعلومه
باب النبي هو علي
اعظم سند للمصطفه
والمرجله عنده صفه
محد عرف معنه الوفه
لو لا علي
علي لمن انخاه
گبل اهلي الگاه
اله فدوه يرحون
هلي
علي نور العيون
ملاذ اليضيعون
ضريحه مثل بيت
الي
وگفتي باب الصحن وگفة يتيم بابك
يبو تراب وداعتك روحي تحب ترابك
حنينه گاع النجف ضمت حبيبي الغالي
تجيلك من كل وطن خيمه وتلم احبابك
انسه هلي الا علي
هو الذي رد الشمس
اغله واعز من النفس
والدنيه تفتر بالعكس
لو لا علي
لا تبخل علينا بالنشر في مواقع التواصل الاجتماعي طبعا بعد ان ينال اعجابك