كلمات لطمية مسلم يا حميدة سيد فاقد الموسوي
اخر تحديث : 23-08-2023
كلمات لطمية مسلم يا حميدة سيد فاقد الموسوي
محتويات كلمات لطمية مسلم يا حميدة سيد فاقد الموسوي
مسلم ياحميدة
مسلم ياحميدة اليوم جايبلج خبر منة
طاح وذبحتة الكوفان نوحي وجري الونة
جيت مكصر الخطوات امشي ومستحي من حسين
وجهي يصب عرگ خجلان واحجي النايبة بيا عين
گليلي يبنت الناس كونج للحجي تحفظين
حفظي الجايبة وسمعي صعبة بحلكي اكولنة
مسلم ياحميدة اليوم جايبلج خبر منة
طاح وذبحتة الكوفان نوحي وجري الونة
صاحت يارسول الشوك جيتك موش جيت خير
چنك ماتريد تكول عندك ناقص التعبير
انه ابنت رسول الله عكلي موش عگل صغير
سولفلي التريدة وروح وانه العمي اوصلنة
مسلم ياحميدة اليوم جايبلج خبر منة
طاح وذبحتة الكوفان نوحي وجري الونة
كلها يفتت الدلال حالف مااكول شصار
من طبع الانذال تخون تهدم للاشراف ديار
مسلم حاوطوه الآف برماح وسيوف ونار
وحبال وتجرة الخيل والشمات تتعنة
مسلم ياحميدة اليوم جايبلج خبر منة
طاح وذبحتة الكوفان نوحي وجري الونة
ردت خانكة العبرات تتعثر بمشيتها
سدرت من ابوها اخبار والنسوان لاكتها
صاحت وين عمي حسين يحضر هاي ساعتها
عندي من الحچي المشكور بية ومايسر جنة
مسلم ياحميدة اليوم جايبلج خبر منة
طاح وذبحتة الكوفان نوي وجري الونة
من مر الخبر لحسين رك حيلة وهوى للكاع
اجهر بالدموع وصاح سيف من الهواشم ضاع
يانكبة بني عدنان مسلم للسفينة شراع
بيها نحار الريح وبيه بحر الضيج اطرنة
مسلم ياحميدة اليوم جايبلج خبر منة
طاح وذبحتة الكوفان نوحي وجري الونة
صاحت ها ياعمي حسين شنهي الخبر حاچيني
ترة انه نفت صميم حجاي واختلت موازيني
ابوي يرد بعد لو راح عني وصار ناسيني
اشوفك تمسح اعلة الراس عني وكاطع الضنة
مسلم ياحميدة اليوم جايبلج خبر منة
طاح وذبحتة الكوفان نوحي وجري الونة
كلها من الصبر مريود ليج وكفي الآهات
نوحج وبعد شنهي يفيد مايرجع بنوح المات
باچر عمج تشوفين دمة مخضب الشيبات
وچفوف الكفيل تطيح بالدم غاد تتحنة
مسلم ياحميدة اليوم جايبلج خبر منة
طاح وذبحتة الكوفان نوحي وجري الونة
موش اليوم اهمن بيچ باجر ياحميدة الخوف
منهم عالحرم وعليج لو طاح الكمر مخسوف
وانه مسيلب من الثوب وتطوف اعلة جسمي سيوف
راسچ من يمسحة وراح الچف البيه امسحنة
مسلم ياحميدة اليوم جايبلج خبر منة
طاح وذبحتة الكوفان نوحي وجري الونة
لا تبخل علينا بالنشر في مواقع التواصل الاجتماعي طبعا بعد ان ينال اعجابك