كلمات لطمية منبر الحب محمد باقر الخاقاني
اخر تحديث : منذ 1 شهر
كلمات لطمية منبر الحب محمد باقر الخاقاني
محتويات كلمات لطمية منبر الحب محمد باقر الخاقاني
يا منبر الحب سلام.. لدموع صبرك
ضامي وروه الگاع نحرك.. وشگد حيا گلوب ذكرك
وكلمن بچه إعليك ادرك
ب إن رحمتك سيدي فوگ العقول
وبيا مواساة نعبر.. واقل جرح بيك خنصر
ي المنطي يمناك للحر
وما إلها تفسير إلا إنت ي إبن البتول
لأن حبل الوصال وياك دمعة
كل ذرة بوجودي تصيحلي إنعى
بواچي الليل ع الما عدهن خيام
اللطم والنوح ع المهشوم ضلعه
جيتك من اللاحياة.. ميت وتحييني آه
ريت ابيعن عمري كله ب اثر ناگة امشي وراه
وكل البواچي حرام.. لو مو لخدرك
يا منبر الحب سلام.. لدموع صبرك
خليني اصد ليك وحدك.. وأجري على لسان عبدك
الدعوة إلي مقبولة عندك
وإغفر لذنبي اليذهب النعمة من اديه
واحچي للجروح عنك.. وشماخذ الماي منك
ي الفوگ التراب چنك
شمس جريحة وتنزف إعله الدنيا ضي
غدر بيك الزمان وخالف وياك
وصرت ما بين سلة وذلة ل إعداك
جبل هيهات تنذل لكن الماي
بظهر محني تنشف دموع خلاك
وتغدي للكربات اسير.. وخدك يلوحه الهجير
سيدي إجعلني بخدمتك راعي مأتم مو اجير
ابچيك حزن وغرام.. وإحياء ل امرك
يا منبر الحب سلام.. لدموع صبرك
اتمنى اضل دوم اسعي.. بس إلكم احتاج وادعي
ويحچيلك لسان دمعي
قليلة تزهق روحي ي الضامي عليك
ب نص ال إحتموا بيك تقتل.. وعندك نساوين ثكل
وإختك تناديك ع التل
تنهضلي لو اجمع شمل حيلي واجيك
الهضيمة للنبي المختار نسبوك
وقتل مرتد عن الاسلام قتلوك
مشه ظعنك على متون المضلعات
وإنت بباريه من الگاع شالوك
ي التدگ ع الگاع إيديك.. النوگ من مروها بيك
ابقى ابچيلك وازورك ويبقى ثوبي اسود عليك
وانعاك والد إمام.. ب احزان شهرك
يا منبر الحب سلام.. لدموع صبرك
اي حب بلياك خلة.. كل صفنة مو بيك زلة
والما بچه إعليك وله
وبس اليواسي الزهرة بيك تخلده
حبك عجن ماي طيني.. وإسمك صبح شوف عيني
وخله البچي يصير ديني
ي إلي سده إعليك إعله غيرك ما سده
يمسلوب الهدم ب انياب شرسة
وتعده چم نهر إعليك وامسى
وما انسى التگلك إخذ ذكراك
من البال چان تريدني انسى
إن چان تريدني انسى وابطل النوح وونيني
إخذ ذكراك من گلبي وإخذ صورتك من عيني
ايام العشتها وياك اناغيك وتناغيني
ش انسه ظعنك لو ضماك.. صرخة خيامك وراك
وظهرك المحمي بعضيدك وبعده ضل خالي گفاك
مسلوب ثوب وخيام..ومكسور ظهرك
يا منبر الحب سلام.. لدموع صبرك
لا تبخل علينا بالنشر في مواقع التواصل الاجتماعي طبعا بعد ان ينال اعجابك