كلمات لطمية من انت محمد الجنامي
اخر تحديث : منذ 2 شهر
كلمات لطمية من انت محمد الجنامي
محتويات كلمات لطمية من انت محمد الجنامي
ليش انت لجروحي وطن بس الغريب اسمك
ليش انت بعيوني عشت بس ماشفت رسمك
من انت من انت من انت يا سيدي
سؤالي ابغرابه .. يدور جوابه
ليش الگلب يابو علي ابذكرك يون
يفز كل حنيني .. وتجاوبني عيني
تبگيك عيني لا لاجل مثوبه
مو للثواب اوداعتك موضوعي
يحسين الك وحدها تجري ادموعي
سولفلي ليش من اسمع بحافر خيل
الطم ابصدري ويوجعني اضلوعي
امي تلوليلي ابنعي كل مايمر شهرك
ليش الدموع بلا وعي تنزل وگت ذكرك
من انت من انت من انت يا سيدي
يجرحي وطبيبي .. يكلمة حبيبي
تعطش اشوفك كل سنه وانت نهر
بعيد ولگيتك .. وسط گلبي بيتك
خايف عليك من الرمح يلچم نحر
ياناس اصيحن گلبي عاشك انسان
اخر كلامه گال كلمة عطشان
صدر المحنه الفوگه الايتام تنام
لعبت عليه الخيل بالطف ميدان
يالتنحسب شيخ العطش بس ارتوي منك
ليش السمه تمطر حزن لو سولفت عنك
من انت من انت من انت يا سيدي
تمر ابصفنتي .. وترسمك دمعتي
اجمل شمس وجهه انچوه بحر الشمس
يسر ماعرفته .. بعد عمري انته
راسك صعد فوگ الرمح عزة نفس
من ذبلن اشفافك گبر صيت الماي
وحتى الرمح گاشخ ابراسك مولاي
بس الحسين ايعرف من هو حسين
يالشفتك اكبر من مخيلتي اهواي
اعظم قصيده شيبتك بس تنكتب حمره
وابروحي تگبر حيرتي واسأل الف مره
من انت من انت من انت يا سيدي
اعيش ابوصالك .. واهيم ابجمالك
يالمشتري گاع وسمه ابحرك الخيم
الارض والعليها .. الك كلشي بيها
بصدر المحنه ضيفت حتى السهم
بينك وبين ادموعي مدري شچم عام
وگلبي اعله مودعك ينگسر كسرة چام
يمراية الله البيك وجه الله انشاف
الله اعله مودك خلق هاي الخدام
ماناسي كطعة منحرك يااكبر جروحي
لطفك الف عام وكسر بس عايش بروحي
من انت من انت من انت يا سيدي
اودي امن اذكرك .. سلام اعله نحرك
لابكينك سيدي طول الدهر
صحت وانه انحب .. سلام اعله زينب
لمن يمر طاري السبي احني الظهر
معقوله زينب تنسبي يا هالناس
يهالحزن هذا الحجي ايشيب الراس
اخت ابو فاضل چتفوها بحبال
وصاحت ابحرگه امنين اجيب العباس
من شافتك راس ابرمح بس منحر اتصلي
اختك حبيبة فاطمة صاحت يبعد اهلي
من انت من انت من انت يا سيدي
لا تبخل علينا بالنشر في مواقع التواصل الاجتماعي طبعا بعد ان ينال اعجابك