كلمات لطمية مواكب صالح المؤمن
اخر تحديث : 27-07-2023
كلمات لطمية مواكب صالح المؤمن
محتويات كلمات لطمية مواكب صالح المؤمن
دگ الباب عاشور وفزعنا
صاح وريت لا صاح وسمعنا
صاح حسين ذبحوه
وگلب الزهره فجعوه
وعد باب ام لحسين اجتمعنا
نسوان وزلم جينا وعشاير
واجبنا نقدمه بهالشعاير
وننصب هالمآتم
يم دار الهواشم
وعد باب ام لحسين اجتمعنا
حوربنا وإجينا ننوح ونعظم أجركم
اخبار ال لفتنا تگول گطعوا راس ابنكم
عطشان انذبح والماي مهر الزهره امكم
آ ه يهل الاصل آه أهل المنذبح وين
الچانوا للبشر جاه ما حضروا عزا
حسين
مو إلهم طلعنا ؟.. ولهاي اجتمعنا
يكبر يجسام
يليوث الاسلام
في وين ابو اسكينه وگع؟ ردوا علينا
جاسم يلرجال
دمه جرى وسال
ولكبر يويلي اگبال ابوه امگطعينه
لو شيب رمش لحسين من شوفة شبابه
چا زين العباد شلون يا بيت النجابه ؟
بعيونه يشوف الشيب صار أحمر خضابه
وين النسأله شلون شاف احبابه تنداس ؟
وأطفاله يفرون وتنادي يعباس
وين اليحمي ضعنه .. ولهاي اجتمعنا
ای اهل حرم میرو علمدار نیامد علمدار نیامد علمدار نیامد
سقای حسین سیدو سالار نیامد علمدار نیامد علمدار نیامد
حسين
هذه أعلامنا قد رفرفت لأبي الفضل ونجري المقلتين
كسروا قلب النبيين به عندما قد كسروا ظهر الحسين
لولحنا العلم ونصيح لا حول ولا قوة
بلوة طيحة العباس ماكو بگدها بلوه
لليوم اعله ظهر حسين نبچي وعالأخوه
يمتى اليا سنه نصيح شبوا بالخيم نار ؟
لسه الكافل يطيح و زينب لسه تحتار
نبچي وما گطعنا..ولهاي اجتمعنا
زينب زينب زينب زينب
يا ساتر صدگ يحچون عن هاي الرزيه؟
من طبت بلاد الشوم بت حامي الحميه
ما هزكم حچي الينعون لو گالوا سبيه؟
چا وين البهاليل والعدهم شرف ذات
عمات ومداليل باتن بالخرابات
ما هزكم جزعنا؟..ولهاي اجتمعنا
يا بيت الشموس الضيك افياي
يا صدر الخلگ نحتاجك اهواي
عالفطره إجينا
الفاگد أهله وينه ؟
كون نسلي گلبه بجيبة الماي
عاشر لا تدگ عالباب صوت الدگه جارح
ولا تسأل ترى ابن البيت عن بيت اهله نازح
مو كافي گضوا يا حيف صالح بعد صالح ؟
لا تبخل علينا بالنشر في مواقع التواصل الاجتماعي طبعا بعد ان ينال اعجابك