كلمات لطمية نشرة اخبار محمد الجنامي
اخر تحديث : منذ 3 شهور
كلمات لطمية نشرة اخبار محمد الجنامي
محتويات كلمات لطمية نشرة اخبار محمد الجنامي
ابنشره اخباره الكوفه .. عاجل وكلها اتشوفه
جاء فارس غيره دارس من علي الكرار
قائد ابرتبة عالم .. بس مراجل من هاشم
من دخلها الكوفه كلها دخلت انذار
اذاعة قصرهم تكتب .. خبر عن مقاتل مرعب
لكينه ابأثر خطواته ثبات و يقين
اليكم بعض اوصافه .. يغار الجبل لو شافه
جبير اكبر امن الكوفه سفير الحسين
اجت آخر الاخبار .. طلع الاولوف وحده
بده وانتهه التاريخ .. صعب عالسيوف رده
علي نازل ابصفين .. اختصار الكلام
ما خسر بالحق صوله .. واحد ايمثل دوله
كلها تجفل كلها تختل وجهه من يندار
ابهذي تشهدله الوادم .. بي مراجل من هاشم
من دخلها الكوفه كلها دخلت انذار
المراسل حجه ابأفعاله .. ولاجن سيوف اگباله
ضحك من شرد قائدهم ويكله تعال
زعل سيد وطك عرجه .. ابكتايبها صارت ضجه
بخيت السلم من سيفه تگول الرجال
بجت منه حتى الخيل .. ولا عدها صوت تصهل
نزل راجل اعله الجيش .. نزل جنه موت مقبل
ابطرف سيفه جر الگاع .. وگلبها گلاب
اطلابه عنده وشيفظها .. كل زلمهم ركضها
سيفه يذبح عينه تجدح منها تطلع نار
لوحه من خيبر راسم .. بي مراجل من هاشم
من دخلها الكوفه كلها دخلت انذار
مذيع الاماره أرخ .. مشاهد قيامه وبرزخ
يصيح العدل و الميت قتالك عظيم
ألف عالارض طشرها .. الف عالسطح يشمرها
ألف بالحرب شهدتله قيادي و زعيم
بشر بس جبل ينشاف .. قصرهم زغير يمه
يظل عالي ما ينلاح .. سفير الحسين قمه
تبوس الزلم رجليه .. تريد الامان
امعدل وزلمه امكلف .. وصل العسكر للطف
من سطرها الحومه طرها سوه بيهم غار
سيفه ما يرحم ظالم .. بي مراجل من هاشم
من دخلها الكوفه كلها دخلت انذار
صحافة خبرهم كالت .. منارة قصرهم مالت
تأكد خبرهم طوعه صحيح الكلام
مره تسوه مية زلمه .. وبقت للمواقف كلمه
مره و مسلم ايگلها عليها السلام
اخذ خبره العباس .. و مراجل بطل خيبر
من اربع جهاته الجيش .. ابمدار الهلاك يفتر
تدور السمه و الگاع .. عله اجفوف اديه
يا هله ابزعل الساده .. رجف اگلوب القاده
نسخه وحده وماكو بعده من البشر تكرار
الگابله يرجع نادم .. بي مراجل من هاشم
من دخلها الكوفه كلها دخلت انذار
خبر مؤسف اينقلونه .. سفير الضوه يغدرونه
غريب ويدير اعيونه الى كربلاء
بعيد ووصلهم صوته .. عجيبه مصيبه موته
بجه من سمعها حسينه ونصبله العزاء
غريب انذبح عطشان .. جرح كل زمان يكبر
ضوه من القصر للگاع .. تبده و ضواه اتطشر
ابجماله تجر الخيل .. حبيب الحسين
ويلي يامحنه مسلم .. الغربة العاشر ترسم
دمه يجري ريته يدري ابجف حميده شصار
الياخذ ابثاره القائم .. بي مراجل من هاشم
من دخلها الكوفه كلها دخلت انذار
لا تبخل علينا بالنشر في مواقع التواصل الاجتماعي طبعا بعد ان ينال اعجابك