كلمات لطمية يا سائلي تبكي لمن باسم الكربلائي
اخر تحديث : منذ 1 شهر
كلمات لطمية يا سائلي تبكي لمن باسم الكربلائي
محتويات كلمات لطمية يا سائلي تبكي لمن باسم الكربلائي
ياسائلي تبكي لمن .. أمنا البتول
أبكي على أم الحسن .. أمنا البتول
جمرة حزن ماتنطفي جمرة حزنها
وألطم إوعيني بالدمع غارگ جفنها
الله خلقها اوما خلق بالدنيه منها
خادمها ابقه اوللابد خادم لبنها
أم الذبيح المؤتمن .. أمنا البتول
ابكي على أم الحسن .. أمنا البتول
ربي خلقني الفاطمه خادم خلقني
وابطلب ثار ام الحسن محد سبقتي
يكفيني من نار الحشر حبها عتقني
لوما محبتها فلا ربك رزقني
ويه النبي ابجنة عدن .. أمنا البتول
ابكي على ام الحسن .. أمنا الباول
أبچي لحد ماتنعمي عيني إبچيها
عالتشهدابنار الحطب چوية اديها
عالمارعو بيها أبد حرمة نبيها
وبدم لجلها اتخضبت لحية عليها
مولاهه من لفها ابچفن .. أمنا البتول
أبكي على ام الحسن .. أمنا البتول
سوط الظرب وجه ام حسن تارك علامه
هذا الامر يوم الحشر وحده قيامه
خدمتها تبقه بكل زمن اشرف خدامه
الينحرم منها ينحرم فزعة إمامه
ينحرم من اعظم وطن .. أمنا البتول
أبكي على أم الحسن .. أمنا البتول
شيعي ولا جامل أبد واعلن براءه
من العصابه الحاربت اعظم نسائه
والحرگ باب ام الحسن يعرف جزائه
مثل الذبح سبط النبي ابطف كربلائه
لازم يجي ويدفع ثمن .. أمنا البتول
ابكي على ام الحسن .. امنا البتول
لتكلي سد هذا الحجي هاي طائفيه
لا والله مو هين أبد قتل بت نبيه
ما اسكت الحد ما ارى قائم وصيه
ينظر ابمقتل فاطمه اول قضيه
وايحاكم الرفضو سنن .. امنا البتول
ابكي على ام الحسن .. أمنا البتول
ليش اسكت اوكلمن سكت يعرف مصيره
شيطان اخرس ينحسب بايع ظميره
صوتي يضل ضد الفتن صرخة بصيره
اوتبقه شعيرة فاطمه أعظم شعيره
للزهره آلآم اوشجن .. أمنا البتول
ابكي على ام الحسن .. امنا البتول
اعرف سكوتي عالجره اعظم خيانه
فاطم امانه اوماخنت صاحب أمانه
ما اسكت وحق فاطمه صوتي لسانه
لوهالسكوت ادفع ثمن دمي ابمكانه
واعرف علي بظهره انطعن .. وأمنا البتول
أبكي على ام الحسن .. امنا البتول
لا تبخل علينا بالنشر في مواقع التواصل الاجتماعي طبعا بعد ان ينال اعجابك