كلمات لطمية يا مشكاة النور حيدر البياتي
اخر تحديث : منذ 9 أيام
كلمات لطمية يا مشكاة النور حيدر البياتي
محتويات كلمات لطمية يا مشكاة النور حيدر البياتي
يامشكاة النور يلضلعچ مكسور
ويه الرحه البيدچ تفتر كل الكون ايدور
يا سلسبيلا طهورا يا كوكبا شع نورا
يا فخر كل النساء إنسا وجنا وحورا
فاطمه ابيات الشعر منچ خجوله
يا زكيه وطاهره وزهره وبتوله
شانچ اعله امن النجم ياهو الينوله
من نعد خير النساء انعدچ اولى
يا سر الأسرار حارت بيچ افكار
آذانچ تخشعله الكعبه والبيت المعمور
من مثلك في علاه ترضى فيرضى الإله
في كنهك العارفونا حاروا وضاعوا وتاهوا
عنچ اذكر ياحديث ويا روايه
وأنتي بكتاب الله مخصوصه ابعنايه
آية التطهير انتي البيها آيه
وسورة الأنسان عن فضلچ حكايه
قل لا اسألكم فرض مودتكم
يا كوثر بيچ الرب بشر بكتابه المسطور
من قبل خلق الخليقه كنتي سراج الحقيقه
ياعروة من سواها ؟ للدين كانت وثيقه
من گبل آدم گبل لتصير العصور
الله خالق فاطمه نور على نور
نقشا ابساق العرش اسم الها محفور
يعني هيه الباقيه والعالم ايدور
للباري اتقدسين و آدم ماي وطين
ادم بسمچ حين اتوسل كسره اصبح مجبور
من ذا يداني علاك والله قد اصطفاك
بنتا وأما لطه ما حاز فيها سواك
ابصدرچ الأسرار ربنا استودعاهه
واليعرفچ ليلة القدر احتواهه
حوه بالمحشر غدا نسمع نداهه
تعتذر من مريم وبيچ اتباهه
يلسيد الكونين قبلچ چفين
لا مو صدفه وقطعا طه امن الخالق مأمور
جئنا بقلب جزوع آهاتنا بالدموع
نبكي لقلب أصيبا نبكي لكسر الضلوع
نسئل وهذا السؤال ايهمنه رده
گبلچ البسمار هم لاچمله ورده
صبرچ ابكل البشر ما شفنه گده
بت نبي الأمه وضلعها انصاب بعده
نسأل من ياباب من حرگولچ باب
محسن ابنچ شنهو امسوي ايموت ابست اشهور
يا فاطم يا عظيمه من بعدك لليتيمه ؟
ذي زينب والرزايا في دار حزن مقيمه
فاطمه الماتت شهيده ابهلمسيه
وصت ابزينبها حماي الحميه
ريتها اتعاينها يوم الغاضريه
ابلا كفيل اعله الهزل تطلع سبيه
من تفگد عباس توليها الأرجاس
يلزهره اعظم من امصابچ عاشر من عاشور
لا تبخل علينا بالنشر في مواقع التواصل الاجتماعي طبعا بعد ان ينال اعجابك