تعتبر النكت هي الشيء الذي يهون على الإنسان وتخفف عنه وتخرجه من مشاكله وفيما يلي جمعنا لكم اجمل 15 نكتة قصيرة تموت من الضحك نتمنى ان تنال اعجابكم
- مرة واحد محشش اتصل بصاحبه محمد وقالهم ده بيت محمد؟ فردوا عليه قالوا له لا فقال لهم طالما ده مش بيت محمد بتردوا ليه.
- واحد محشش في امتحان النحو قالوا له حط إن في جملة مفيدة قال اشتريت موبايل إن سبعين.
- ديك بيعاير فرخة ويقولها مسكينة دايما بياخدوا البيض بتاعك قالت له اسكت بس ما أنت بتأذن وما بتصليش.
- واحد رخم نزل الشارع ملقاش حد يرخم عليه قام وقف قدام العمود وقاله عديني.
- واحد بيتقدم لواحدة أبوها طلب منه مهر ب 50 ألف جنيه قالوا ليه يا عم الحاج هو أنت حسبت الكيلو بكام.
- واحد معه أرنب وعاوز يشوفه ذكر ولا أنثى فسأل محشش فرد عليه المحشش وقال له سيبه إذا هرب هيبقى ذكر وإذا هربت هتبقى أنثى.
- مره واحد بيستعبط اتجوز وحده بتستعبط خلفوا عيال مستهبلين استعبط الأب وعمل نفسه ميت فاستهبلوا العيال ودفنوه.
- واحد محشش قاعد يتابع مباراة ريال مدريد سمع المذيع وهو بيقول فاول لصالح رونالدو قام قال تصدقوا أول مرة أعرف إن اسم رونالدو الأساسي هو صالح رونالدو.
- تشاجر رجل وزوجته شجارا عظيما فقال لها لقد مللت من عشرتك فقالت مللت من عشرتي؟ طيب اصرفها خمستين.
- كان فيه مرة سلحفاة دخلت مطعم وطلبت رز قام الجرسون شلها رماها بره رجعتله بعد شهر وقالته طب متزقش بس.
- واحد عاوز يقول لمرات أخوه إنه أخوه مات من غير ما يصدمها قالها جوزك اتجوز عليك يا ولية قالتله يالهوي إلهي أشوفه داخل عليا ميت قالها تمام كدا دخلوه يا رجالة.
- تنين مساطيل واحد قاعد بيولع عود كبريت ومش قابل يولع معه قاله الأول جرب واحد غيره يمكن بايظ قاله بايظ إزاي؟ أنا لسه من شوية مولعه.
- واحد مسطول شافوه قاعد جنب الصخرة وماسك خفاش بحكيله يخرب بيتك أول مرة بشوف فار لابس عباية
- سألوا مسطول من أطيب الناس؟ قالهم صالح لأنه كريم وبيسقي كل الناس مياه. سألوه مين صالح قالهم ما أعرف بس دايما بقرأ ماء صالح للشرب.
- مرة واحد خبطته عربية فعطوله تعويض عشرة آلاف جنيه وقام واقف على سكة القطر وفاتح صدره وقاله تعلالي يا أبو الملايين.
