كلمات اغنية اخينا الجوكر

اخينا كلمات

من وهو لسه صغير و الجيران بتحلف بيه

المتفوق المؤدب اللي جامع دنيا و دين

كبر و دخل جامعة و ان اوان تاء التانيث

يمكن مشافش بورنو بس اتفرج علي ونيس

و رغم طول الرحلة فالوصول بينسي التعب

اخينا لقي اخيرا اللي تحبه و يحبها

دايما كان بيكلمها عن ان التعليم تجهيل

واحد زيه في بلد بتفهم كان زمانله شان كبير

فهمها حاجات كتير في الاخر فهمته

ان حوا مش لادم حوا لفلوسه و شقته

و في عز ما هو حزين الاتوبيس وقف في كمين

الظابط قاله انزلي نزل زقه للامين

ممنوعات فمتحرجنيش طب جنب اخواتك يا برستيج

روح بعد يوم طويل ملوش تعازي مقبولة

يمكن حزين من الاول بس نفسه مش مكسورة

كان ممكن يبقي حاجه لو البلد قدرته

كان ممكن يبقي ادم لو مكانتش حوا سابته

كان ممكن يبقي حاجه و كل حاجه رجعته

من طريق كان ماشي فيه متجاهل كل اللي بيحبطه

كان ممكن يبقي حاجه لو البلد قدرته

كان ممكن يبقي ادم لو مكانتش حوا سابته

كان ممكن يبقي حاجه و كل حاجه رجعته

من طريق كان ماشي فيه متجاهل كل اللي بيحبطه

اخينا في عز الوحده قابل شلة ثانوي اللي

كانوا خدوا طريق معاكس للى هو فيه بالمللى

قالوا فك يابنى وشك وابدا واجه الحياه

واذا كنت مش متكيف ف العلاج مكيفات

اخينا خد الرحلة لحد القاع دحرجة

بس اخينا لسه اخينا فعايش مع نفسه في معركة

تيجى بفكرة تيجى ببودره تيجى بقعده تيجى في سوسته

فجاه حوا رجعت لما ابو شقه سابها

والغريبة حال اخينا الحالى لسبب ما جذبها

طبعا اجر نفسه ليها روميو بالفلوس

ونام معاها ضمان لانه يلاقي لما يعوز

وزى كل كدبة صعب للاخر نداريها

عيلة حوا صعايده عمر موتها ما يكفيها

اخينا اتقتل هو ميت في الحالتين

لو كان انتحر بدرى شويه مكانش مات اتنين

كان ممكن يبقي حاجه لو البلد قدرته

كان ممكن يبقي ادم لو مكانتش حوا سابته

كان ممكن يبقي عالم لولا الصحبة عرفته

على المخدر اللى جاب المخدر المعروف اخرته

كان ممكن يبقي حاجه لو البلد قدرته

كان ممكن يبقي ادم لو مكانتش حوا سابته

كان ممكن يبقي حاجه و كل حاجه رجعته

من طريق كان ماشي فيه متجاهل كل اللي بيحبطه