كلمات اغنية اسيوفنا من دم الاعداء ترتوي شبل الدواسر

اسيوفنا من دم الاعداء ترتوي كلمات

الذائقه ماتعشق المستشعرين

ولاخدمها غير هاجوس قوي

إليا كتب يرقابها للفرقدين

ويزيدها قوه ودافع معنوي

ماينطح القالات غير الصاملين

واهل السوالف فالزاويا تنزوي

الطيب من حظ الرجال الطيبين

والاستقامه عادة الرجل السوي

وياكرهني للي مساره ملتوي

والشعر وهبه من إلاه العالمين

ويازينها ليا جات في راس حموي

اليا حظر مايفقدون الغايبين

وان غاب مال الصوت بغيابه دوي

ومن لايجمل لابته في كل حين

يهبا لو انه من ذوي ولا ذوي

لن الشعر وحده ماهو قضاي دين

والمرجله تحتاج رجال جروي

وانا بدوي ماشكى جور السنين

ياطاء الصعاب ويطوي البيداء طوي

اما كذا ولا على ويش بدوي

سلام يافكر على الدر الثمين

سيفه مثل سيف الامير ابن جلوي

المستحيله عند غيره له تزين

دايم وميراده على العد الروي

ويامرحبا رحب الرجال الغانمين

بضيوفنا والضيف ماله مشنوي

على سلوم الطيبين الاولين

معزب الرحمن فيها ماغوي

الحاشي المفرود والكبش السمين

قدر لضيفان المقام النخبوي

في حفل شيخ مانصفوه المادحين

حيث انه اللي حاوي الطاله حوي

غالي عريب الجد ابو عقل رزين

للطيب وعلوم المراجل مهتوي

آبن فريج القرم سيد العارفين

راع اليمين اللي عطاها مثنوي

من روس لابه تجعل القاسي يلين

وتصدر الامجاد تصدير سنوي

الاد جلال الدهاه الصارمين

اشوارهم منها الصعايب تستوي

ومبروك ياراكان طلق الحاجبين

يالمحزم اللي تكوي اخصامك كوي

انت اللذي من شبتك عقلك ذهين

وعزمك يجيب اللي بها قلبك نوي

وياعزوة معبد كعام العايلين

تاريخنا طاله ومنهج تربوي

حنا يوم ان الوقت ماينصف ثنين

اسيوفنا من دم الاعداء ترتوي

واليا زبنا شاكي الهم الدفين

نفزع معه فزعة ولد عم وخوي

هاللحين ولا من قبل بدر وحنين

امجادنا صفحاتها ماتنطوي

ولو تهوي نجوم السماء يامسلمين

راياتنا عليا وحيل الله قوي

النص

يمكنك متابعة النص أثناء سماعه