كلمات اغنية اصعب حكاية مطلق ابن شبيب

اصعب حكاية كلمات

اذا لك شف في شوفي..تراني

على شوفتك.... صحيت الأماني

زرعت الشوق كله بانتظارك

وأخذت الأنتظار..وجيت عاني

نسيت الناس لكن..مانسيتك

عجزت انساك حتى لو ثواني

مليت الكون واشغلت الجوارح

نظر عيني..سماع أذني..لساني

ولا قصرت...لكنك.....أناني

أنا أحبك واذا ودك تأكد

شف الله كيف بيدينك هداني؟

غيابك صعب والأصعب وجودك

وأنا في الحالتين..أتعب وأعاني

حبيبي لاتواخذني...ولكن

أبيك تحط نفسك في مكاني

اذا جيتك وأنا مشتاق تقفي

تجاهلني... وكنك.... ماتراني

واذاصديت عنك وقلت ابرحل

وقف قلبك على الباب ودعاني

يميل القلب.صوبك... ويحداني

أنا يابن الحلال أصعب حكايه

كتبني الوقت لكن ما قراني

مضى عمري وتقدر تعتبرني

غريب في زمن ماهو زماني

زماني راح مع نصفي.. ونصفي

نسى نفسه مع الوقت ونساني

أسافر حزن.. والصحبه ثلاثه

أنا..والصبر ..وسهيل اليماني

واذا مريت في بلاد الطفوله

فتحت الصدر...للحزن وطواني

هنا..دمعه جرت من عين جاهل

هنا..لاقيت همي ...... والتقاني

هنا باعتني الديره وأهلها

هنا..ضحيت لفلان..... وجفاني

هنا..حاولت أصيح وماسمعني

سوى بعض الشوارع والمباني

انا ياسيدي ... دقه قديمه

بغيب أخذ من الوقت... وخذاني

على الأنقاض واقف دون حيله

أشوفك وجهتي بين المواني

وما نيل... المطالب... بالتمني

ولكن شوفتك... كل ...الأماني

قسم بالله لو موتي بيدك

وأموت ألفين مره ..ماكفاني

معلومات الاغنية

كلمات : عبدالله الذويبان

الحان : مطلق ابن شبيب

هندسه ومكساج : فؤاد الهتار

استديو دي بي - الدمام

فيديو : ابراهيم