كلمات اغنية الاسم المهيب خالد ال بريك

الاسم المهيب كلمات

رفرفي ياراية الحق والاسم المهيب

في حما من تامن ابه الدول وشعوبها

العروبه ثاني دونهاالراي المصيب

من عدن لاقصى الجزاير وقف لخطوبها

من جنح للسلم ناده بالصدر الرحيب

وروسن تثير الزوابع يدق حبوبها

اعتزا للحرب يوم انكشف وجه الغضيب

اخو نوره والمعارك نعرف سلوبها

ماتشيل الا المنايا ب وسط جيوبها

جالها من فوق صنعا ترداد وقنيب

خلت ذيول الروافض تعد ذنوبها

ماتضيق صدورنا لابدا لنا الحريب

كل مادرات رحا الحرب نلبس ثوبها

تحت راية لا اله الا الله الفرد المجيب

تكثر العدوان وتقل ماطمعوبها

شاعر يستنطق الحرف ماهو مستريب

لاتولا عوب الافكار عقل عوبها

اتمثنى نجد دااري وانا كني غريب

يامعين النفس لين يحصل مطلوبها

مزنتن مدري متى تستهل نصوبها

فالحنايا سجنها مثل سجن ابو غريب

والعرب لو سمعو السالفه طاروبها

ماثنتني عن هقاوي هل الساس العريب

ولاتعن المهره الا على ماجوبها

في مثل غازي ولد عيد معنايه يصيب

غازي اللي نار عزه يزيد شبوبها

مثل ماهو ضارب للردا واهله صليب

ضارب صدره لربعه يحل كروبها

ماتبي قوقل يدلك ولا الوصف الصعيب

ادخل عنيزه وخل البيوت وطوبها

عان قصره معلم بارز وصرح مهيب

يزبنه من طاولته الضروف وعوبها

كان بالمال امتصدر سليمان الحبيب

امتصدر غازي المرجله ف دروبها

وانت ياعبدالله القرم وحزام القريب

جاذبك من كل طاله يقفل نوبها

القبال الزين والطيب والصدر الرحيب

معطي نفسك من المرجله مطلوبها

ربعك زحول الموازين مخلصة الطليب

في قرارة نجد سادو بعد حلوبها

ينطلون الشيخ من سرج مومية السبيب

المهار اللي تدق الصفا بكعوبها