كلمات اغنية الاماره خالد الساطوح

الاماره كلمات

اتركوني افهق خلافي منارات المدينه

لين تصبح فالمرايه تشبه لـ قدح الشراره

مع مسارات القصيد اللي معابرها ثمينه

عندي لـ نقطة عبور الشعر رخصه و استماره

يغلب الشاعر بعد ما ينتصف لليله حنينه

لو ما عنده من حنينه شيء واقع يا خساره

والله اني ما كتبت الشعر ادور لي خدينه

ولا كتبته لجل ارز اهل الفعول المستعاره

ماني بـ حاجة بريق و ماني بـ حاجة زقاره

جاه شيخ جهينة اللي فك الارقاب السجينه

اذكره و افك سجن الفكر و تساق البشاره

دام جدي اقدم اشدة عتيبه في يمينه

كلمتي ودي اصلي قبل لا انطقها استخاره

الفتى من شرهة العقال يدرا لا تدينه

لو تدينه والله لـ يطعم على كبده مراره

ودك ان الرجل ما يحمل على صدره ضغينه

لجل ما تثر على مرجلته و تخلف مساره

البخيل اعرفه اليا مد من رعدت يدينه

و الكريم يمد ما يملك و يلحقك اعتذاره

يسبقه قدام لا يقلط على شداده وقاره

نحمد اللي حط للساجد علامة في جبينه

و حط لـ الخير سمات بـ نور فالوجه و سفاره

لجل يعرف رااعي الوقفه عسى تبطي سنينه

من بذل لله تعالى ثم حكامه و داره

والله اني قبل اعد اسمه تراكم خااااااابرينه

ذا ملهي بن سلامه بن سعيدان الاماااره

ما طلب اسم الامير اللي خذوه البعض زينه

اخذه ميراث فعل و زايده عز بـ شناره

ما تموت فعول جدانه و هم مورثينه

كل ما سنع شريدة مجد نيشنها عياره

لا بغيت ابو سلامه تاجده من دون وينه

تقدح عيونه شرار و يطبخ راسه نعااره

فزعته اسرع من بروق المخيل لـ خايلينه

و كلمته اليا رعدها امطرت خير بـ غزاره

ان تقدم جمع جاه تحل فـ الناس السكينه

يرضي اهل الثار ما دور من الوقفه إثاره

يعتق ارقاب الرجال و يوفي المديون دينه

ما خسر من حط له مع ربه الأعلى تجاره

مجلسه فيه القضايا حكمها نافذ فـ حينه

كم قصر له من دعاوي دون محكمة الوزاره

ذاخر ربعه و ربعه فـ الشدايد ذاخرينه

عزوة تاريخها يا صعب عده و اختصاره

ال عاطف استحلوا قلعة المجد الحصينه

ركزو رايتهم فيها و زادوها جباااره

من طلب امانهم مدو له الايدي لـ امينه

و من طمع فيهم و شب النار راح فـ وسط ناره

الصبي منهم من يعاديه جعل الله يعينه

لا اعتزا خيال سمحات الوجيه و دق زاره

بيرق العز قحطان في كل ماقف رافعينه

ما بعد شم الهوى راس تهقوى بـ انكساره

مجدهم ما هو بـ حبر اقلام روكو كاتبينه

حبره دمي العدا بـ سيوفهم في كل غاره