كلمات اغنية الجازي مسفر السندوانة

الجازي كلمات

العز وقفه ساعه

الها العرب طماعه

وكل وفعل ذراعه

من بعد توفيق الله

والركض يبغي الصامل

يعطيه وقته كامل

والى حضر ما جامل

سيف الفعول يسله

ماهو يعرف الراحه

باا اللي ترج الساحه

ولا بشيك ن تله

شروى السويدي النادر

كم رمز باسمه غادر

على الصعايب قادر

والطيب فيه اجبله

خليفه الي الحاله

حي الشجاع وفاله

تشهد لاسمه افعاله

ماهوب من حي الله

ابن رشيد الطيب

وكفه سوات الصيب

ولاقلبه بمتهيب

له فالنوايف طله

كل يحسب حسابه

مثل بلاد وللابه

روس الرجال اتجله

هجنه لها طاريها

مع العرب يكفيها

وجمهورها يحييها

رمز الفخر تحتله

شقرا سوات اليازي

في وصفها المتوازي

تخلف ظنون ألغازي

حتى وهي مختله

لاروحت شمقانه

والجيش في ميدانه

ماهي تشاف وزانه

شوط الحماس اتتله

الجوف عود ونازل

وورك لحمها عازل

وعضد نحيف هازل

تقول رسمه دله

الأرض من ممشاها

ماكنها تاطاها

حليا الظبي حلياها

في دقه وفي جله

كم خنجر مسميه

راحت بها عصريه

كنها لها حصريه

والخصم تدبل غله

وسيف الختامي معها

وجمهورها يتبعها

والعالم يشجعها

للسيف قبل اتشله

وان جا ندا السماعه

تفرقعت مرتاعه

تبعد عن الدفاعه

ومخططات الشله

تحت قياده وافي

لأمنه واعد يافي

مشكور يالجحافي

على الجهد ذا كله

حميد حي فعوله

كل الرجال تقوله

جمل شعب مع دوله

قل للمنافس قل له

تضميره يعرفونه

ووجوده يهابونه

كل عليه عيونه

درب النجاح يدله