كلمات اغنية الحزام الي يجمل فهد بن جري

الحزام الي يجمل كلمات

اسر يا ليل براده على كبد اللهوف

يجعله ينظر لعرش الملوك بنص عين

القناعه تجبر المعسر الكايد يطوف

والمراد اللي يقفي بقلعة وادرين

الوكاد ان القصايد جفت خد الهنوف

لو لها من فضل ربي حلا وابيض جبين

لو بخيرها واحقق لها كل الشفوف

ماتبي غير السنع في لزوم الطيبين

الحزام الي يجمل على الجنب المتين

الرفاقه ما تعرف المشاغل والظروف

يعتذر من دونها اللاش والطيب يبين

ولا ابو ناصر رفيق يمينه ما تروف

مرحبانية طراقي ولجاية زبين

نذخره في موقف فيه خلق الله وقوف

ونتسامى بأسمه الي يشرف كل حين

ما كفى من طيب سالم ومن مدحه وصوف

لو كفاه امدا القصيده تجدد مرتين

غالي وابوه غالي وانا طرب لهوف

امدحه يوم اطيب الناس تمدحه اجمعين

هيبة اسمانا ثقيله وموقفنا سمين

ما اهتوى للجود كف من اسخاي الكفوف

و ال حمراء في وساع البسيطه عايشين

تارد الجمه عزاوي مفرقة الصفوف

وان وردنا العد غابت عيون الناظرين

ذروة المجد المسطر على كبار الرفوف

كننا فـ اسراف الامجاد صفوة مسرفين

في ذرانا يامن اللاجي الي فيه خوف

عزوة فيهم شفاقه لـ ضرب المارتين

يدوي البارود الاملح وتلتج السيوف

ومن عزاوينا تعود سلامة عابرين

يبتدي ذكر التفاخر على ألسنة الضعوف

وينتهي واسم الهواجر تمجده السنين

عزنا من ورث الاسلاف ما هي بالسلوف

من عصور الأولين لـ عصور الحاضرين

يامن الرجال في ظلنا جور الحتوف

و اقربانا و اصحبانا و جرعات الحنين

في بني هاجر يطول المديح ولا يعوف

الله الي عزنا عايشين و ميتين