كلمات اغنية الرصاص الانشطاري جزاع المري

الرصاص الانشطاري كلمات

ابتدي بك مرسل محمد من أطراف الصحاري

يطلع لغاره وجا جبريل له في حين غره

قال له اقرأ ولكن قال له مانا بقاري

وانزل الوحي الكريم وكان قلبه مستقره

مات لكن عاش في القران وصحيح البخارى

بعد ماتمم لنا الاسلام والمولى ابره

بعدها ياهاجسي بانعلن اليوم الطواري

عارفك كل مادعيتك باعثا فيني المسره

بايزيده من بدائع صوته ان جزاع جره

شغل الي صمموها للوعورة والبراري

وفي المدينة كنها من لمعة البونيت دره

الحجر من تحتها مثل الرصاص الانشطاري

والطريق الي يعارض تعبره ولا تمره

ياجبل رحب تراحيب الظفاري بالظفاري

عاقد النية على الي في متونك مستقره

كلما واصلتها آخذ مكاني واعتباري

عندها ماهمني من تحتها أسس مقره

اكتب الي شدني وانا على الناموس ضاري

الغلط ماجامله والصح أوقف له وأقره

مااشوفه في عيوني عندها مثقال ذره

والوفي الي يقدرني ويحفظ لي وقاري

شفته بكبر الأراضي والكواكب والمجره

علمتني دورة الايام وهبوب الذواري

واحد يثبت وواحد تأتي الريح وتذره

راس مالي رفقة الي يعرف يضد ويداري

الشدائد ماتهزه والمظاهر ماتغره

ماستصيغ المدح إلا لو اجيبه باختياري

في الرجال الي لهم في المرجلة كره وفره

مثل ابو انور حضوره فارقا في كل طاري

راعي المدات شرف يافع بجهره وسره

جده الي لعتزوبه يدخل الحرب انتحاري

والقبيلي لعتزوبه شالها حلوة ومره

العقيد اليافعي كم فيه نعتز ونماري

يعطي اهل الخير خير ويعطي الشرير شره

موقفه ثابت بيوما كان فيه الوضع ناري

جو معه خمسين متسلب على دفع المضره

الجمايل مثل طلقه او مثل قدح المواري

ماغنمها غير من يسعى لها والصعب كره

اشهد ان حامد ابن عبدالقوي عالدرب ساري

الطريقة تختلف اما النخاوي مستمره

كثر مايعطي تقول انه معه مكتب وزاري

من وصل عنده بحاجة بشره بالي يسره

خصصو له مطبعة شيكات في البنك التجاري

ماذخر ماله يحط الشيك والتوقيع جره

كن مابينه ومابين البخل عازل حراري

جعل يفداه الغني الي كسب مالا يصره

ليت سلطان الوطن وكلني ان اصدر قراري

بعلنه فورا وزير الجود ربي لايضره

اشهد انه بايزيد الدخل والسوق العقاري

وباتصير البورصة مما تشوفه مقشعره

حافظا ورث الجدود وعنده النهج الحضاري

هو دفى البرد ويبرد يومنا لاشتد حره

شيخ من يافع رجالا لو على روس الشباري

يوصلو للمبتغى بنفوس حره وروس حره

في المبادي مابهم متنازل او بايع وشاري

لو يسوء الحال فيهم او يموتو الف مره

في زمنا وفي زمن تبع وفي ذات الصواري

يوقف التاريخ اجلالا لهم بحره وبره