كلمات اغنية السلام من بعيد عشان المرض الجديد مصطفى الجن

السلام من بعيد عشان المرض الجديد كلمات

السلام هيكون طرفاوي مفيش ولا بوس ولا في احضان

بطلنا شغل القهاوي مرض الكورونا في كل مكان

علطول لابسين الكمامه

وبنحط مطهر وديتول

اللي يزعل مع السلامه

بناقص العدوي من دول ودول

متحضنيش وارجع علي ورا

متقولش انت مكبرها عليا

دا مش وقت الفشخرة

متفوقو يا بشر المرض انتشر الحاله هنا متأخرة

ولا اي عشم مش طالبه غشم بطلو شغل الافورة

حظر التجوال علي طول شغال

والدنيا بقت مش هي

ولا فيها يمين ولا فيها شمال

الاول كان براحتنا

وكنا بنسهر للصبحيه

دلوقتي اتحدد لينا معاد

ومشينا علي الورديه

الشيشه كانت بتحلي العيشه

كنت بفتح بضربها

طب حد يقولي ازاي كبايه الشاي من غيرها اشربها

دلوقتي ياخويا نزلت ف الجدول واتمنعت من الشارع

والله جضيت وقاعد ف البيت

مبقتش شايف ولا سامع

الاشعات كترو منعنا المترو مفيش اي مواصلات

فين ايام السواق وحشتنا الاجرة بقا يا حضارات

الاول كنا بنطلب اوبر نركب ميكروباصات

دلوقتي بقينا نركب رجلينا تعبنا من الحوارات

قفلوا الكافيهات قفلو النايتات

وبقينا عايشين بالعافيه

افرحي يا كرونا خلاص منعونا من الاحضان الدافيه

ياخوانا العقل طاير بيخف ومبيديش منفلا

حتي الجوبات مبقتش تلف مفيش بافرا وكارتلا

بدأ الانذار خدوتها بهزار

واتريقتو ع الصين

فايرس دوار وبتولع نار

ماتفوقو يا بني ادمين

ضحك ومهزئه نازلين تريقه

ع اللي بيلبسو كمامات

اوشت انا منكو تعبت قفلت النت من الاشاعات

علشان حضرتكو اقعدو ف بيوتكو

بلاش تخرجو يا جماعه

الحاله خطيرة والشغله كبيرة

دا مرض والله ما اشاعه

اهلك وعيالك دول ابقالك

وفي ضهرك بينادو

فترة وهتعدي انشاء الله

ربنا يلطف بعبادو