كلمات اغنية الشوارع والبيوت تامر سمير

الشوارع والبيوت كلمات

امبارح و انهارده

الحاضر و اللي عدي

و اللي ضاع ويّا السنين

و اللي شوفته في الزمان ده

في الدنيا و الشوارع و البيوت

ناس تعلي و ناس تصارع و ناس تموت

ناس تتلاقي و ناس بتضيع

ناس شاريه و ناس بتبيع

و اللي بيطمع في حق غيره

و اللي بيقبل يبيع ضميره

و اللي بيخلص يكون مصيره

و اللي يفكر ينسى الماضي

لأجل يعيش في حياته راضي

ليه بنقول علي قلبه فاضي

ليه نرميه في الظلم سنين

عايز أعرف مين القاسي

مين فاهم و عقله راسي

مين فينا عمال يقاسي

و مين همه عذاب و سكوت

ناس بتهدك و ناس تبنيك

ناس بتشدك و ناس بترميك

و اللي عايز يرضي غروره

و بالغدر بيلعب دوره

يبيع أصله و يبيع جزوره

و يبيع نفسه و غيره كمان

و اللي بيهرب من إحزانه

يلقى الحزن عارف مكانه

مستنيه بدموع و آلالام

دنيا عامله زي سويقه

فيها ناس ظالمه و ناس بريئه

نفسي أعرف فين الحقيقه

ولا خلاص بقت بتموت