كلمات اغنية الشيابين الدهايا حاكم الشيباني

الشيابين الدهايا كلمات

الليالي عيفتني كل شي وقمت اعيفه

لين حتى الضحك في وجه الحبيب قمت اعافه

مادريت ان الزمن دوار والدنيا كليفه

ذبح احلامي وقال اقلط على قل الكلافه

سابقي عيت تقدم وانثنت بي فالنصيفه

والشجاع يواجه الايام ما ينظر خلافه

ماعلي ان كان مالي دخل حر ولا وظيفه

المهم اني اعيش بعز ما اعيش بضعافه

واتبجح مثل هارون الرشيد مع الخلافه

ماتبعت الناس لو تتبعهم النفس الضعيفه

لي مقام ولي سمو ولي حدود ولي مسافه

شاعر قريحتي نفاثه وفكري قذيفه

لو يهيم اللي يهيم انا معي عرف وحرافه

مستعد ببيت ابرهج ما ورا العوج النحيفه

ومستعد ببيت ازود فـ انعطافتها انعطافه

غن يا وادي جرير وغن يا وادي حنيفه

واستمع يا طويق للتاريخ وانصت للانافه

الشيابين الدهايا يوم الايام المخيفه

نار عز تاكل الظلما ولا تعرف المخافه

ابين امن الشمس وابيض من مقاديم الطخافه

لا اعتزينا بطح الذرعان يا ذيب الحتيفه

قبل يمرج قلبك الصاطي وننسيك الحيافه

من تعدويناله يخاف الهوا لا واحى وحيفه

لو رقبته من قبلنا اطول من ارقبة الزرافه

ومن صفينا له وقفنا له مثل درعه وسيفه

يبطش الدنيا بـ قلب مايعرف الارتجافه

كل مجد في كتاب امجادنا دايم نضيفه

والكتاب يشيل الارض المستديره في غلافه

مجريات الوقت واحداث المقادير العنيفه

تفضح الخافي وتكشف معدنه للي ما شافه

اترك اللي فزعته على حسب جوه وكيفه

ان صفى جوه فعل وان ماصفى قرب لحافه

وانحر اللي فزعته اسرع من البرق ورفيفه

ينجرف للاوله من طيب راس ومن حصافه

مثل ابن غزاي لو ان الزمن جاد بـ وصيفه

اندثر مفهوم لو يقدر فزع واصبح خرافه

يا سمي الحاكم الحازم ذرا شعبه وريفه

مجدك ابلغ من مديح الشاعر المبدع وقافه

انت ما اخذت الشداد اخذت راعيه ورديفه

كل يوم وكل ليل لـ مجدك المعمور اضافه

من يجي سلمان ابن غزاي يمناه وحليفه

يرتفع راسه شموخ ويعتبر همه سخافه

هيلعين تدهر ناره ولا يفضى مضيفه

المضيف اللي ينافس زحمة قصور الضيافه

اصوك راسه قوي وابيض وجه وابيض صحيفه

واخطل يمين ماضراها على مد الحسافه

محتزم في محزم راهي وفـ جبال منيفه

محتزم فـ اخوانه اللي للعدا سلال وآفه

اهل صفر ماتصيف غير فالصاقب وصيفه

والربيع ان طاح عدوها الحدود امن المرافه

وان لقوا غزيزة الجوخه وخيال العسيفه

اعزلوها لو ثمنها صفر بنوك الصرافه

واوسموها بالهلال اللي ما يحتاج اتعريفه

نفطنا قدام حقل بقيق لايتم اكتشافه

مات غزاي ولا مات وله على سيرته خيفه

والله ان مجده مثل ماهو ولا بان اختلافه

عان شبة ناره وصفة دلاله قدم ضيفه

كنه الله يرحمه ماغاب لحظه عن مضافه

يذكره من توجعه شكواه والحال الكسيفه

ويذكره شيخ الجموع اللي محد يقرب ضفافه

من له عيال مثل ذولي ما تلحقه الحسيفه

طاب حي وطاب ميت وارث الطاله خلافه