كلمات اغنية الصدر الشمالي فايز الدوسري

الصدر الشمالي كلمات

لله يحيي صدفتن راحت مثال

فـ بيوت شعرٍ همت فـ أسترسالها

من الشروق إلى الضحى إلى الزوال

وأنا أسبر الغيمه واخيل خيالها

الماضي اللي راح.. باقي لا يزال

له كلمتين ودمعتين لحالها

لو مرّت الصدري الشمالي من شمال

طاحت قواه ولا قدر يشتالها

وعيون من غابت وطال أهمالها

جلست وانا أردد فـ بالي ..سؤال..!

كيف أقدر أملكها وأكون فـ بالها

شاهدتها وأنا أنتظر كلمة ..تعال

ماهو ظلال اللي يجي بظلالها

يا راس مال اللي يشوفك راس مال

كم من قصيدة في غيابك قالها..!

الحب مثل الطيب فـ عيون الرجال

والصد لا شاف الحياة أغتالها

أخطت عليها الريح لله الكمال

وتبيّنت وقت الهبوب خصالها

تخاف يجرحها طرف سلسالها

لو سولفت للغيم بلسان الدلال

على هدبها ينتثر همالها

نشدت عنها قالوا فبنت الحلال

جدّانها أهل المعركه وأبطالها

قوة زعلهم ما تقاومها الجبال

قومن تعاندهم ماهوب أشوالها

كم من غزيزة مجد وعظامن جلال

تلعب نسانيس الهواء بسبالها

أقفوا بها قبل المزاين بالحلال

يصير للتجار ضمن أموالها

مانيب داله عن هواها لو يقال..!

أن المهر فيها بعشر أمثالها

أنا موقف دونها بـ أخو العيال

واسمن ماهو مذخور عمر ألا لها

يليق فيها مجد جد ومجد خال

لو خالها زايد بحبة خالها

لو يعتريني هم من سود الليال

أنا اعرف المهره وأنا خيالها

هذي لو أخذها تشوفون الرجال..!

ثلثين فُريس الرجال عيالها