كلمات اغنية الكزاوي تاتي جي 13

الكزاوي كلمات

الكزاوي

شمعة تذوب طفي ليوم وقت هروب

طالع للطيارة و نتفكرها وقت غروب

يسأل فيا الديواني قتلو رايح لاسطنبول

ماشي لغادي زيارة غير خليلي الباب محلول

حل التليفون اسأل ولد الخالة مراد

ما حاجتي بالأتراك طول طيارة لبلقراد

طول طيارة للأصراب مخ الهدرة حرب أعصاب

استحفظ على الفلوس يجي الوقت تقول ما صاب

قالي راك خليت بلاصة كل يوم وحشي ليك يزداد

الحومة ضربها لكساد زيد فكرني الأيامات

حليت الفايس بوك نلقى تصاوري في الستوريات

لميمة ما تبكيش باغي دعيوة وقت الشدة

نظفلي يا روحي سريري و خليلي لمخدة

نبعد عليك مدة و نرجع مع الأيام

و كي نرجع والله بودة نحققلك الأحلام

عاد يحكي في بلغراد شفت عجب ما يصراش

و كي صار قدام عينيا و حق الله لا ما راش

طفي الضو و ما تبطاش هاك وليت تعرف ابليس

عكست بيا لفلوس بعثلي قريبي من باريس

ما أخيبها دموعي وقتلي ما عندي الموني

ما اخيبها الضحكة كي تخرج مانيش بلعاني

ما اخيبها الدنيا كي تعطي للي ظلموني

ما أخيبها دموعي وقتلي ما عندي الموني

ما اخيبها الضحكة كي تخرج مانيش بلعاني

ما اخيبها الدنيا كي تعطي للي ظلموني

والله يا ربي صحة في الغربة خلوني

ابعث فلوسي للكزاوي

يزيني من ركشة لقهاوي

تو الهربة هذا شناوي

هاذي ملخص لحكاوي

ابعث فلوسي للكزاوي

يزيني من ركشة لقهاوي

تو الهربة هذا شناوي

هاذي ملخص لحكاوي

صغري خويا تعدى لقمة لشيطان لقمة

ما تجيب فلوس قعدنا نعبو في الكيسان

شفيها كان قال فيلامان

شفيها كان طار مشى

شفيها كان شفنا نور طرنا قبل ما يتلاشى

عاد قالي بقيت نلوج وقتلي طاح بيا الليل

عديتها خمسة أيام بلياليها في الوتيل

حتى لقينا الكزاوي هات فلوسك لمخبين

و استنى الدور يجيك تو تعيش كيما العايشين

هاذيا أول مرة نحسو فيها غياب الخو

في طريق صعيبة طول هاذي قبل حتى ما نجو

والله ميمة ما ننسو شدينا طريق الكار

ماشي للحدود هربة خويا جهار بهار

نتفرج من الشباك نقول هاذي هي الجنة

la suisse ملا

ملا حكاية فيك يا فيينا

هاني جيت و ما نرجع لبلاد الحنة

كان بالعط و هذايا خويا شنتمنى

هاني جيت و نشكر لا مانغير ما نسمي

واحد من الناس وقفلي في الغربة بن عمي

ما أحلاها الوقفة وقتلي تجيني من دمي

و ما أخيبها الغدرة كي نقسم معاك اللي في فمي

تو المستقبل بعد ثنية الكزاوي

والله ماندري وعلاش جيت و علاش ناوي

تحيا لميمة اللي واستني في البلاوي

و تحيا البابا اللي ربى بالتايو الكاوي

ابعث فلوسي للكزاوي

يزيني من ركشة لقهاوي

تو الهربة هذا شناوي

هاذي ملخص لحكاوي

ابعث فلوسي للكزاوي

يزيني من ركشة لقهاوي

تو الهربة هذا شناوي

هاذي ملخص لحكاوي