كلمات اغنية المحترم تامر سري

المحترم كلمات

في ناس بنجيب سيريتها ونفتكرها بعد مايفارقونا بسنين

وناس مانحبش نجيب سيريتها مع إنهم عايشين

والمحترم هيعيش وسيرته سابقة إسمه للأبد

زي الدهب لو حتي برضه ملاه التراب هيفضل دهب

والمحترم هيعيش وسيرته سابقة إسمه للأبد

زي الدهب لو حتي برضه ملاه التراب هيفضل دهـــــــب

ماشوفتش في كرمه وماجاش حد زيه حتي في عز همه أبو المجدعة

دا ابن البلد مولود ولد مايقولش أه

شهم وسند زي الوتد طول الحياه

أما الخسيس لانجيب في سيرته ولا حتي إسمه زي المحترم

يا صاحبي إسمع مني نصيحة واضحة وصريحة

وخلي الحكمة دي في راسك

طول مانت صيتك تملي سابقك ولا حد سايقك

هتعيش ياصاحبي رافع راسك

وخلي الحكمة دي في راسك

طول مانت صيتك تملي سابقك ولا حد سايقك

هتعيش ياصاحبي رافع راسك

قالوا العلام والأدب له ناسه وعمامه

وابن الأصول يتعرف من روحه وكلامه ... اه ..والمحترم يتوزن لو ألف قدامه

دا ابن البلد مولود ولد مايقولش أه

شهم وسند زي الوتد طول الحياه

أما الخسيس لانجيب في سيرته ولا حتي إسمه زي المحترم