كلمات اغنية الموازين حاكم الشيباني

الموازين كلمات

استرسل الهاجس وانا هاجسي غير

اليا سبح عمق البحر جاب درة

ان مـرني في ليـل ولا في اعـصير

رحبـت به وان كـان ما مر امـره

اما صـباح الخير ولا مسـا الخيـر

انـا مـعـه مـرة و عشـرين مـرة

جـتـني مقابـيل القـوافي طـوابـير

و اختـرت منـها نـادرة مـسـتقرة

اللـي لهـم في كل مـشراف جـرة

يامرحـبا و اعـداد مارفـرف الطـير

في حفل روسن شامخة مشمخرة

زاد الفـرح فيـنا و سـقنا التباشير

و افـراحنا مالـوفـة و مـستـمـرة

لا يـبـن عمـي و الـنوايا مغـاتيـر

وابشـر براسن طاري الطـيب فره

من فرحـتي لو لي جناحيـن بطير

طربان من زود الفـرح و المسـرة

انا اعـتبرك الاخ حـشـمة و تـقدير

لو ايـتشـره عنـدي الـلي تـشـره

والشـعر فيك ان جا مـجاله انكره

يالشامخ اللي مثل قمة شمنصير

عسى الزمن خـيره يكافـيك شـره

اخترت من خير المناسب من مطير

عرق الحمـادين الـوفا و المـبرة

منـسب ثنيان الفـخر دون تقـصير

في باقـي العـربان بحـره و بـره

هـذاك ابو تـركي ومن دون تفـكير

ما هـز فيه الوقـت مـثـقال ذرة

مرزوق يانسـل الرجـال الاساطير

والـعز في طـاري جـنابك مقـره

عسـاه للرحمة زبون المـخاسير

الشـايب اللـي كان للعـين قـرة

للـه درك يا سـديد الاشـاويـر

و في كل مطـلع شمـس لله دره

كراكـشة يوم اللـيالي مدابيـر

اتعـز صـاحب والمعـادي تضره

ترثة ذوي معتاد روس المسافير

يوم اللـيالي بين حـلوة و مـرة

جمع الـموازين السيـوف البواتير

ربعن لهـم في المجد فرة و كرة

ربعي مطـير مروضـين المعاسير

يوم الزمن خيره في عطوف شره