كلمات اغنية الهداك منو مروان شيدي

الهداك منو كلمات

لو ماسمعت صوت اذان صلي كل ما تسمع دانة

ما الموت عارفنو واحد رحمة الكريم تغشانا

أمانة ما كنتي الأمان ياخ حصل شنو

ياعزه ما فضل فيك شبر و الهداك منو

نازح فيك و منك نازح

بس خلي بابك فاتح

يومي لو ما تم حأرجع وحأبقي فيكي كادح

ياتو يوم ديمقراطية جابا زول شايل السلاح

الله أكبر اقتل مواطن وانهب المرتاح

بيوت تستباح حقك بيتقلع قلع

تحت تهديد السلاح فوق كرامتي و مقتنع

الضمير الصاحي ماف

بأرخص ثمن

في دلالة أطراف النزاع

دق الجامع دق كنيسة دق مستشفي دق بيوت

حتى والنساوين والغلابه بقو بيتلفحوا السكوت

ريحة الدم في كل شارع ماف مقابر للجثث

عيون أطفالنا ضاقت الهزيمة كم هدنة وقصص

عايش فيك تقول ما عايش فاقد عمري والإحساس شمسك البتشرق ديمه غابت يوم دارو الدواس

باكر وينو ياحليوة وينهم أولادنا السمر

حاجة آمنه اتصبري ياهو ما بننقص عمر

لسه بين كرك وفرك مرتزق حاسدني فيك

بتعوذ برب الفلق من الظلم والسوو فيك

دفن هواكي

أخد ما أداكي

شال هناكي

لابس كاكي

سنين بيكاكي

جاب جيرانك الوراكي

يومي الدقستا وقلت لي في عزة لقمة عيش

بين جنجويد وجيش وطيش لبست شوال خيش

مجنون هواك

في كل شارع وكل حيطة

كاتب اسمك

وراسم بكرة للناس البسيطة