كلمات اغنية الوداع اصاحبي مسلم

الوداع اصاحبي كلمات

صاحبي دبا راك مكفن و قبرك محفور

جات الساعة د الفراق حيث لازم ومجبور

اول مرة نخليك حيث بوحدك مختور

اول مرة نخليك ونرجع اللور

شحال كنا صحاب وشحال كنا قراب

قدما كانت العشرة دابت فحال السراب

حيث اليوم نمشي ونخليك بين الغراب

باليد لي كانت فكتافك نرد عليك التراب

خليتي غير موطعك كا نشوفش فيه خيالي

وحيث مشيتي فحالك حتا انا ماشي فحالي

ورث منك ذكريات عمرا تمحالي

صاحبي مشيتي وخليتي دموعي تسيل

كا نحس بيك حدايا و فيدك منديل

و باش تمسح دمعة و لا مستحيل

حيث عمرك ما ترجع من بعد الرحيل

صاحبي كان معايا مشى فرمشة عين

شد عيونو خلى غير عيونا مدمعين

مشى سكن فقبر حيث ولى من الميتين

خلى غير الذكريات و القلب حزين

كنتي ديما معايا ولي ما معايا عليك

كنتي صاحبي كنتي عشيري كنتي الخاوة ديالي

كنتي و غتبقى دايمان في بالي

الضحكة ديالك باقية مسجلة فوذني كنسمعا

بعدما كنتي شريكي فالفرحة والدمعة

بقيت اليوم بوحدي نبكي فحال الشمعة

ودموعي تسيل فسكات والصبر ما قد يقمعا

صاحبي دبا راك فالقبر و انتا المرحوم

وصل اجل موتي و انا المصدوم

هذا هو المكتاب و حتما عليه اللوم

سمحلي اذا بكيت حيث لفراق مسموم

هذا المكتاب د ربي غادي نزظم على قلبي

بلا بيك غنمشي في دربي الوداع اصاحبي

صاحبي كان معايا مشى فرمشة عين

شد عيونو خلى غير عيونا مدمعين

مشى سكن فقبر حيث ولى من الميتين

خلى غير الذكريات و القلب حزين

الوداع اصاحبي هذا القضاء بربي

غادي نزظم على قلبي وغادي انا ماشي فدربي