كلمات اغنية امتى احمد شيبة

امتى كلمات

امتي انا يا ناس اعمل حاجة ليا

من زمان شقيان مش قادر طالع عنيا

بتمني لو مره الدنيا متضحكش عليا

حلمي نفسي اعيشه ف يوم يبقي في ايديا

متغرب بعيد علطول انا لوحدي

تعبان من الفراق و الناس اللي بعيده عني

مش عايز اموت ومحدش يكون جمبي

ليه دايما كل لما احب الاقي في خداع

ملايين الناس شايفة حالتي في الضياع

مبقتش اامن تاني من كتر اللي باع

بحلم يبقي حد جمبي وميقولش وداع

طب اروح لمين ولا مين واشكيله

مفيش حد حاسس بيا يمدلي ايده

رب العالمين هو بس اللي ادعيله

نفسي اشوف عيالي بيكبرو حوليا

حتي لو معايا تشتاق ليهم عينيا

بفكر في مستقبلهم انا كل شوية

مش عايزهم يتاذو زيي من الدنيا

بتمني ان قلبي يجمد ساعة ومش عارف ليه

متوتر قلقان و دايما انا خايف

كله شايف السعادة وانا مش شايف

هما بيتحركوا وانا بس اللي واقف

امي راحت مني مبقتش معايا

اجمل ايام عمري لما كانت ويايا

راح الحضن الدافي اللي كان ساكن جوايا

قلبي اتوجع لما دي كانت النهاية

وانا شعري شاب مالعذاب والجراح

ابكي علي اللي جاي ولا ابكي علي اللي راح

تعبان من جوايا مش عارف ازاي ارتاح

حابس الكلام مكبوت مكسور الجناح

طيب نعمل ايه فالحياه تعبانااا

كل شوية ليه هي ليه قرفانااا

مش عارفين نعيش زي الناس الفرحانة

طول اليوم هموم مش قادرين بامانة

عايز تبقي مرتاح ومش شايل الهموم

افتكر ربنا واستغفرله كل يوم

هتلاقي الحياه سالكة رزق كتير بالكوم

دي المركب للبر في بحر تعبت منه عوم

شارك معه ايضا بالغناء الفنان اورتيجا