كلمات اغنية امهرب والقلب ميت سيف العامري

امهرب والقلب ميت كلمات

مجرودة ماهي بالهين

ولا للي عضمه لين

والهرج كله امبين

معروفة من العنوان

فتهريب نفتح القصة

وخلينا نشرح الحصة

انجيب الجزل و انرصه

وانقدمه لصحاب الشان

امهرب راكب في جيبه

يودي الحمل ويجيبه

تشهد له كل البلدان

امهرب والقلب ميت

في نص الوديان امبيت

فلحمل النضيف امصيط

وبيمشي ادروب الشجعان

امهرب حاطط غياره

والسرعة شبه الطيارة

اوهاذا شغله او كاره

والقلب قاسي مالان

هربنا عاعين الجيش

وعلى كمين التفتيش

والحمل امهيش تهييش

والي يوقفنا ينهان

بيصفي ف المناديب

بزره للانذال طبيب

فالفرد يصفي الجبان

عشقنا المغامرات

وطخ والمطاردات

اوركايبنا شاصات

ياما هربنا اطنان

ياما هربنا كثير

عالحدود وعلجنزير

والبزر فوقينا يطير

والقلب قوة مليان

قوة وشجاعة وطناخة

والشاص ابتسمع اصراخة

منهاب الجيش ولا افخاخه

يشهد علينا الميدان

الميدان يشهد علينا

فاتهريب حفيت رجلينا

اصقرة عالقمه هدينا

هدينا عا اعلى مكان

ادروبي صعيب اثرها

اجن الازرق ما خبرها

الله يكفيكو من شرها

فيها ابينشالو ع اكفان

شيلي يا التيوتا شيلي

اوهربي الحمل اثقيلي

فـ الوعر ولا بتميلي

وبتقهر كل البرصان

اللند ابتسمع شيويطه

ابيسري و الدنيا اغطيطه

وسواقه افراسه الخيريطه

ابيقطع من غير ظيان

ابيقطع و الحد امسيج

وراه الجو امعجج

و اجندي بعينه يتفرج

بيمرق كنه شيهان

ابيفلت من تحت لطيارة

يومنه ابيسقل غياره

بالعجة ابيمحي اثاره

مركن ع جيب اليابان

و سواق البقي معروف

قلبه ميعرف الخوف

ادروبه ما بين الاجروف

ما يمشيهن الا الفنان

ابياخذ ادروبه اقصاصه

ما همه كثر القصاصة

امهرب و خابر مملاصه

ضيعوه ما بين الكتبان

حيهم كل المهربين

مايهابو الدرب الشين

يمشوها ميه وتسعين ١٩٠

صوان القلب صوان

خلصنا كل الابيات

وعنا ابياتن كثيرات

في راسي امكومات

ون ودكو وبنجيب كمان

صلو على محمد صلو

وبذكر الرحمان اتحلو

ياما عاشو ناس و ولو

صلو عا طاها العدنان

دروبي صعيب أثرها

الجن الازرق ما يخبرها