كلمات اغنية انفصام حاد الجزء الثاني الجوكر

انفصام حاد الجزء الثاني كلمات

زي ما تكون الحياة معانداك وحالفة لتوقعك

عندك امل تتقدم مهما كل شيء رجعك

كل ما يبقى فاضلك خطوة تتوجد ظروف تمنعك

احساس انك مش واخد حقك اكتر ما بيوجعك

وتقول لعله خير ومن تكرارها تشك في انه

لا خير ولا عمره كان ده شر ولنفسك زينته

انت ادعيت الزهد بركة اننا سيبنالك خيش

اخر مرة السما تساعدك كانت ايام قريش

عايز تفصل بيننا وبين خالقنا عشان نعيش في غابة

عايزنا نثور على امتحانه بدل ما تشوف اجابة

هتموت بتحارب الحياة ومدوقتش طعم صلح

كن جميل ترى الجمال كن قبيح فترى القبح

ربما لا تعني هذه القرية شيئا للالهة

كلها بتقول كلام كبير وبتعرف تلفت نظر

كلها بتقول ربنا كبير وتلف تاخد حذر

انا طيب وانا شرير

فخايف اعيش وخايف اموت

بخاف الدنيا تسرقني

واخاف العمر مني يفوت

يحصلك خير تقول ثواب شر تقول مصاب

يحصلي خير تقول ده فضل شر تقول عقاب

الحياة يا اذكى اخواتك عشوائية نتيجة ان

ممكن فراشة في ليبيا تكون سبب اعصار في الهند

ومين اللي قالك انه لو حصل فمش مكتوب

ربك بيسبب الاسباب وكل شىء محسوب

اما هو عارف مين هيتوب ومين هيموت حرامي

ما نتخلق ونخش نار وجنة بدون سياق درامي

وساعتها مش هتقول انا اتظلمت مانا مظلوم

بس هو مين يوم الحساب هيكون له حق يقول

ومحدش مبياخدش الاربعة وعشرين قيراط

ده افيون بيضربوه المتدينين فميشوفوش

ان في اشخاص معاها فلوس متملكهاش شعوب

الناس دي قيمة المال في عينها غير في عينك انت

خلفة مشتاق لخلفة غير السابعة لاب ستة

حاسس بيك وعارف كل شىء فكرت فيه

ضاقت الحياة عليك ظنيت انه السبب في الضيق

حسيته مش مهتم بيك او كانه بيعجزك

تستقيم ازاي والمستقيم بيتدهس بالجزم

كل الظروف كانت ضدي لكنني في المقاومه قدوة

ما لم تعطيه لي السماء قد اقتلعته عنوة

ويا ترى كام حاجه من اللي حاربت لاجل ما توصلها

ندمت اما وصلتلها عشان منابكش غير شرها

انا عشت واتعلمت وانت لا عشت ولا هاتعيش

لا عشت لكن مجريتش ورا حاجات متكتبتليش

كان ممكن تاخد اكتر تفرح اكتر لولا غبائك

الدنيا اللي بتدعي انك فاهمها هفهمهالك

اغني الناس رغم كل فلوسه عاشها يوم ويوم

يوم مرتاح يوم على اتفه حاجه مكانش يجيله نوم

افقرهم عاشها بنفس الحسبة يوم ينام جعان

ويوم يرزق بعشا ينام الدنيا مش سيعاه

انا طيب وانا شرير

فخايف اعيش وخايف اموت

بخاف الدنيا تسرقني

واخاف العمر مني يفوت

ربك كان قادر يصلح العالم فقط بظهوره

دي حجة اي شخص اضعف من الايمان بوجوده

مش الصعوبة في الايمان الصعوبة في الاعمال

عشان فرضها عليا اله وجوده مجرد احتمال

كتر المعاصي حطك على اول طريق الكفر

شيطانك اشطر من حنين لن تعود بخف

انت بالنسبالك احتمال عدم وجوده مخيف

مش في صالحك تبقى غابة لانك الطرف الضعيف

انت اللي فشلت تمشي صح فلما ذنوبك تقلت

اصبح عدم وجوده اخر امل ان انت تفلت

انا براعي كل الاحتمالات عشان مخسرش حاجة

لو مش موجود انا عشت لو موجود قلت الشهادة

كان كله عمل زيك لو الجملة هي الدين

مش التوبة باب مفتوح خلاص نتوب على الستين

طب لو مت قبل كدة تبقى اكيد متكتبتليش

لا تبقى اخترت لاخر لحظة انك متسمعنيش

انا المقسوم على الاتنين

وناتج قسمتي توهاني

اميل لطريق من الاتنين

وفترة اميل علي التاني

اميل لطريق من الاتنين

وفترة اميل علي التاني