كلمات اغنية ايه ايه ده مروان موسى

ايه ايه ده كلمات

كل حاجة هنا ليها نهاية

كل حاجة هنا ليها نهاية

كل حاجة هنا ليها نهاية

كل حاجة هنا ليها نهاية

كان عندك كام سنة لما اكتشفت ان الدنيا ظالمة

لما اكتشفت ان كلها كذب وانك متبرمج

وان مكتوب علينا في مشوارنا دا نتمرمط

البخت بيتوزع بعد ما الكروت تتفنط

والحب استدرجنا اصطاد قلوبنا في سكك ضلمة

ع النور مسافة طويلة وبيهرب كل ما بنقرب

قالوا ارجوك طمنا

بس عارفين اني بتصرف

اسمع مني المخزون

اسمع مني المفيد اسمع مني الموزون

الحزن دا مش نابع من أوجاع لأ دا حزن عابر للقرون

شوفت ازاي لما المطرة بتنزل بتتدارى الطيور

دا نفس حالي بقالي سنين

كنتش حاكي التفاصيل

بس كنت مداري الهم

كنت مداري هم كبير

كنتش واخد بالي من التوهان

لما الأوزان بتزيد

كنتش فاكر إن كل دوت يوما ما هايفيد

واديني هناااا اديني موجود

ما انا احتمال اموت

ع الشهامة والشجاعة

ع العمر اللي بيعدي في ربع ساعة

واديني هنا اديني محطوط

بخطط للهروب بكتب بحبر الاخطبوط

حياتي إزاز مشروخ

منزلتش خندق خدت الطلقة في قلبك

وربي انت راجل لا اعتراض ع اللي اتكتبلك

اسمع مني الجديد

اسمع مني المريب اسمع مني العجيب

الدنيا مصيرها متحدد من الأول زي السكك الحديد

ومفيش غير كام موقف جميل بيجروا الدم في الوريد

حبيت واتحبيت

ليالي الشوق كانت حلم

اتحرقت واتكويت

ما الواقع مش بيحل

عبرت وحسيت

عمري ما اتخاذلت

حبيبي الحب مش حقيقي غير لو بيذل

سنين قلبان سنين مش بتنام

سنين عامل للعاصفة مية ألف حساب

سنين مفيش غير صوت صويت زي المسامير في الودان

اتاخدت مني بس سابتلي الحنين في الوجدان

واديني هناااا اديني محطوط

خطوة في خطوة في حالة ارتجال عمال اسوق

ما انا احتمال اموت

ع الشهامة والشجاعة

ع العمر اللي بيعدي في ربع ساعة

تقبل

اتاخدت في دوكة

الحياه خدتني في دوكة

تخيل الهموم تتحط فوقك زي الموجة

تلوم في مرايتك لوم وتحس اليوم بألف موتة

انت بهواك انت وبشوقك

طلعت من الأوضة

لقتني

ببدأ من الصفر ع الخريطة

في نفس الوقت ثقتي بالنفس مش لاقيها

أيام ما كنت شديد كنت بتتلاعب باللعيبة

تتحرفن ع الحريفة

وتشلت في الشنيبة

في كل زاوية حيطة

افكارك زي الزيبق

جابتلك الهموم ع الباب والتلج في كل ليلة

كذا مليون متر تحت الأرض دا مش بيتك

افتكر ان نفوس كتير مابتوديش من غيرك

انا مش محبوس انا في السجن دا بمزاجي

هرجع لما الضلمة تخف سنة من دماغي

لعبت كذا موسم نجم دوري بعدين جالي

في العقل رباط صليبي دلوقتي المشي على الهادي

إيه إيه دا

كل دا بيحصلي طيب ليه كدا

الشك دخل من الباب قولت ليه ليه لا

بعديها بدقيقتين لقيت البيت بيتهد

البيت بيتهد وقولت

إيه إيه دا

كل دا بيحصلي طيب ليه كدا

الشك دخل من الباب قولت ليه ليه لا

بعديها بدقيقتين لقيت بيتهد

البيت بيتهد وقولت

ثانية ثانية ثانية

دا بجد مش أوهام

الصورة بدأت تبان

شايف الدنيا بالألوان لما بابص م الشباك

بلاقي هم م الهموم طاير بخفة من ع البال

بدور ع الثبات سيب المسكن خد علاج

قلتولي زمان بس ماكنتش لسه سامع

ماكنتش انا متابع

ومشيت في وشي دغري زي تريلا ف نص الشارع

ومعنديش اي مانع اقلب المواجع

بس لو جيت في السكة دي انت بتجيب الجو الساقع

هتقلل الدوافع اكيد هاتفضل واقع

هاتتنده بالإسم بس مش هاتبقى سامع

لسه لسه واقع

لسه مش متعالج

بس قومت خفت الواقع جوة الشاشة يكون مخادع

روحت الدور السابع مت ودي التوابع

قالولي احكيلنا القصة لما بلغت اني راجع