كلمات اغنية بدون بروتوكول فهد بن فصلا

بدون بروتوكول كلمات

بسم الله ابدا ثم صلا الله على ذكر الرسول

اخير قولا تبتدي فيها العباد اقوالها

سحر البيان اعرف كيف اسحر به اصحاب العقول

لين العرب عقالها تطرب قبل جهالها

شاعر لو ان لهاجسي في غير حب الابل ميول

بكيت خلان الهوا على رسوم اطلالها

بنت الشيوخ اللي لا لدت كنها الريم الجفول

مطنوخة ماكل مطنوخا يجي في بالها

وتضيع في لبة نحرها جوهرة سلسالها

صدفة لقا بام العيون الخرس والرمش الكسول

طاح اللثام وثغرها الفاتن طرح سؤالها

اثارت الحرف ولا غضت طرف يدفعها الفضول

بغت تجادلني وصديت وقصرت جدالها

لحدن يجادلني بحب الوضح زينات الدلول

والعالم اللي تنتقدني تستريح اشوالها

ادير لي عصما لاسمعوها ماقالو وش يقول

قالو ياماشالله تبارك مانهو اللي قالها

بعد اتصال وتمشيه سهله بدون برتكول

شديد بدو ورفقتا من طيبها يعنالها

نبنكحلك بالويضحان طبوعها واشكالها

لوالله الا تم عن شرواك ظرفي مايحول

دقية سلف وقلت بعدين الظروف افضالها

ابا اذكر اللي شفت من وضحا طبايعها تهول

ولا هل الابل سابقا فالطيب ما يقنالها

سرحت مع وضحا مباريها تصيبه بالذهول

وضحا ليا شدت من الدجره تكب عيالها

قدامها خمسة جيوب وخلف شاص وكم زول

من يوم قادت لا معشاها على موالها

واهل المواتر كل واحد مامعه حيله وحول

يردع مايردع مستطيشا دقها وجلالها

خطم على عرزيل شول وخالفه عرزيل شول

راحت مقاودها تدف اهل الجيوب قبالها

تولت اوايل ذوابتها عجوم وجل حول

منها العشاير والفطاير مابطل زرفالها

حتيها حتي وسميا يبشر بالسيول

اللي على دربه مع الخبه تغانم جالها

والكسريان اللي من السله تعود لرحول

قطع نفيضا خالفة بردا سديد خيالها

صمخا على الحاكم يخلي صاحي العقل مهبول

مرعا تهوم يدينها الارض وتهف سبالها

هزع العقاب مشلعات صدور مافيها نزول

خطرا على اطرفها لا ناطحها الهوا يشتابها

هامة جمل معا ظهر حايل معا منحر ذلول

اوصاف بيكورا تزم من المتون طوالها

وضح البريكي طيب الخوه عسا عمره يطول

من نخبة رجال الدواسر لافرزت رجالها

يامحمد بن قريع جعل فداك ملاك الزمول

ناسا تموت وجيهها لاجا هداد جمالها

تكرم ويكرم واحدا شرواك يازحل الزحول

من كان هقوتها الجمايل جمل الله حالها

وناسا ورا شايك مزارعها تصف من السمول

نضم لها دورات بأفعالك تطيب افعالها

علم شيوخ المال بأن الشوخ شيخان الفعول

والقل ماهوب الردا والطيب ماهو مالها

علمهم فنون التواضع والبشاشه والقبول

وعلمهم ان اخير هقوات الرجال جزالها

يضحك حجاجك لبتدا الهداد وضراب الفحول

ماضاق من كثر الطروش اقفايها وقبالها

وضيافتا من كبر مبناها ركونه عرض طول

غطا التضاريس وجحد نقيانها وجبالها

ردم المواتر كنها ردم المواتر حول مول

وضيوف طاح عقالها وضيوف تنطح فالها

على هلا يامرحبامن خاطرا ماهو ملول

سلمه وسلم ابوه وجدودا هذا منوالها

والقهوجي صنوبري ناره ويلحقها شعول

تردف مداخنها غواريها وصف دلالها

وصينيتا يبرك بها في كل يومين مخلول

والضان هاذي فمرقة هاذي تحط بدالها

في حملتا دايم وهي فيها ضيوف وزبر ضول

من طبها من طيب راعيها رحم عمالها

واهل الظرايب مالها هرجه بدايةكل حول

الا محمد عن شديد ابله وعن منزالها

تسلم يابو عبد الله وياجعل خيرك مايزول

انته تجاورك المقلين وتزين احوالها

ومطول وجيه الدواسر بالمواقف والفعول

يوم القبايل تفتخير في ذكر فعل ابطال

الراس يقدح من سطر والكف ماهوب مغلول

وانعم من طيبا يشاف مسلما معدالها