كلمات اغنية بغني للقمر بدر الشعيفاني

بغني للقمر كلمات

بغني للقمر والليل والساري على مسراي

واسولف للشقا والهم والخفاق واضلاعه

بصدري آه والضيقه تغطي فالحياه اجواي

ياليل الضيق ياليل العنا والهم والراعه

لو احرق ضلع صدري بالبكت والنار مالي راي

لكنه محترق من دون دخان وولاعه

ثلاث ايام راحت كلها كوعي على مركاي

انام شوي واصحى والتفت واناظر الساعه

لجا وسط الحنايا والبلا ياصعب مطلاعه

على قولة بن جدلان في بيت حصل وياي

احس بوسط صدري من همومي آلة طباعه

يروح الليل كني محتري لي هجمه من اعداي

وقلبي دقته تسمع كذا من دون سماعه

زماني قام يلعب بي بدون اسباب رايح جاي

وانا رجل يموت ولا شكا للعالم اوجاعه

اشيل الهم في عوج الحنايا واستمد قواي

من الصبر الجميل ونظرة بالله طماعه

اطالع للفضا الواسع واسامر كل عازف ناي

واحط الصمت موسوعة حزن والشعر مذياعه

تشوف الحبل داب يعطبك بالسم لازاعه

نثرت الورد في عرض الطريق ولالحقت أهواي

لقيت الورد شوك يدمي الاقدام مقطاعه

نسجت من الخيال احلام ورديه وسقت اخطاي

ولاحصلت غير قلوب ناس مابها اطماعه

رجعت معيف من كل الوجيه ومشتري لرضاي

وقانع من قلوب لو يطول الوقت خداعه

نووني بالردى رغم الوفا اللي مدته يمناي

لكن الحظ طيب والنوايا البيض مناعه

قصيدي ياقصيدي وانت مهجة قلبي وسلواي

مادام الوقت وقتك فك حبل الشعر وشراعه

تعال نولع الساحه قصايد وافخر بشرواي

ترى حقك على القلب الجريح يواصل ابداعه

وابرمي كل ونه خلف ظهري وابتسم للجاي

لو ان الجرح دامي والضلوع العوج ملتاعه

معلومات الاغنية

كلمات ممدوح التويجري

أداء بدر الشعيفاني